BŪMI BWA BENE KIDISHITU
Le I Kitatyi’ka Kyombwanya Kwingila bu Pania Mukwashi?
Tempelo ya mu kimonwa kya Ezekyele ilombola’mba bantu ba Yehova badi bakwipāna na mutyima tō. Le muntu ne muntu ukokeja kwela bitapwa bya mitendelo namani?—Bah 13:15, 16.
Muswelo muyampe bidi wa kwela bitapwa i kwingila bu pania mukwashi. Mwaka wa mingilo wa 2018 udi na myeji mivule idi na mayenga a ma Dya Mposo nansha ma Dya Yenga atano. Uno i mukenga muyampe ku boba basapulanga’nka Dya Mposo ne Dya Yenga mwanda wa kwingila kobengila bininge ku kaji. Kadi basapudi bakokeja kutonga kwingila bupania mukwashi bwa mansá 30 nansha 50 mu Kweji 3 ne Kweji 4, nansha mu kweji obapempulwa na mutadi wa kipindi.
Ino shi ngikadilo yotudi’mo keitulengejapo twingile bu pania mukwashi? Tukokeja kulonga bukomo bwa kulumbulula musapwilo wetu, padi na kusapula’ko bininge. Nansha twikale mu ngikadilo’ka, tulomba’mba buswe botusenswe Yehova bwitutonone tumupe biyampe byotudi nabyo mu mwaka wa mingilo wa 2018!—Hos 14:2.
Le nsa kwiula namani bupyasakane bwa Sabina Hernández?
TALAI VIDEO—NA BUKWASHI BWA YEHOVA NKOKEJA KULONGA KINTU KYO-KYONSO, KUPWA LONDOLOLAI KU BINO BIPANGUJO:
-
Le i bika byalengeje Sabina engidile bininge Yehova?
-
Le kimfwa kya Sabina kibakukankamika namani?
-
Le i myeji’ka nansha kweji’ka okokeja kwingila bu pania mukwashi mu mwaka wa mingilo wa 2018?
