Enda ku bidi'mo

Enda ku kifunka

BŪMI BWA BENE KIDISHITU

Kusapula ne Kufundija—Kudi na Mvubu pa Kulonga Bana ba Bwanga

Kusapula ne Kufundija—Kudi na Mvubu pa Kulonga Bana ba Bwanga

Yesu wāsoñenye balondi bandi bende bakalonge bana ba bwanga. (Mat 28:19) Mu uno mwingilo mubadilwa kusapula ne kufundija. Tufwaninwe kwiipangula batwe bonso kitatyi ne kitatyi amba, ‘I muswelo’ka ombwanya kwilumbulula mu ino miswelo ya mwingilo wa kulonga bana ba bwanga?’

KUSAPULA

Pa kyaba kya kwilaija bantu bāye kotudi, batwe’ko tufwaninwe kukimba na bukankamane boba ‘bafwaninwe.’ (Mat 10:11) Potudi mu busapudi, le tutanga mutyima ku mikenga ya kwisamba na bantu ‘botwitana nabo?’ (Bil 17:17) Didya wāikele ke mwana wa bwanga kupityila ku busapudi bwa kininga bwa mutumibwa Polo.​—Bil 16:13-15.

“O mwanda’ka kushilwila ku lubanga, kuna nkunwa yobe kadi ingila kufikija’nka ne ku kyolwa” (Mus 11:6, Dibuku Dijila)

TALAI VIDEO ENDELELA NA KUSAPULA “NE KULEKA’BYO MPIKA”​—BYA KIPONKA NA PONKA NE KU NJIBO NE NJIBO, KUPWA LONDOLOLAI KU BINO BIPANGUJO:

  • Le Samwele walombwele namani amba ukimbanga na kininga kukuna nkunwa ya bubine, mu kibidiji kyandi kya difuku ne difuku?

  • Mwanda waka tufwaninwe kūminina mu miswelo yonso ya busapudi?

  • Le i ani obwanya kusapwila musapu wa Bulopwe mu kibidiji kyobe kya difuku ne difuku?

KUFUNDIJA

Pa kulonga bana ba bwanga, ketufwaninwepo’nka kushila bantu mabuku bitupu. Ino pa kwibakwasha bendelele ku mushipiditu tufwaninwe kwibajokela, ne kwifunda nabo Bible. (1Ko 3:6-9) Ino le bikekala namani shi bukomo botulonga bwa kufundija muntu bubine bwa Bulopwe kebulupulapo bipa biluji? (Mat 13:19-22) Tufwaninwe kwendelela kukimba boba badi na mityima idi pamo bwa “nshi milumbuluke.”​—Mat 13:23; Bil 13:48.

“Ami nakunine, Apolosa nandi wasangila, ino Leza ye wadi utamija’byo” (1Ko 3:6)

TALAI VIDEO ENDELELA NA KUSAPULA “NE KULEKA’BYO MPIKA”​—MU BANTU BAVULE NE KULONGA BANA BA BWANGA, KUPWA LONDOLOLAI KU BINO BIPANGUJO:

  • Le ba Solomon ne Meri basangile nkunwa ya bubine mu mityima ya ba Ezekyele ne Abigaile muswelo’ka?

  • I kitungo’ka kyotufwaninwe kwikala nakyo mu miswelo yonso ya busapudi, kubadila’mo ne busapudi bwa mu bantu bavule?

  • I muswelo’ka otufwaninwe kukwata na mutyika mwingilo wa kufundija bakwetu bubine?