Enda ku bidi'mo

Enda ku kifunka

 BŪMI BWA BENE KIDISHITU

Mwibalubulei na Nsangaji

Mwibalubulei na Nsangaji

Kulubula na nsangaji bāni? Muntu yense utanwa ku kupwila kwetu kwa bwine Kidishitu​—nka ne balunda netu ba kala bāya. (Lo 15:7; Bah 13:2) Padi i mwanetu mu lwitabijo utambile mu ntanda mikwabo watanwa ku kupwila musunsa wandi mubajinji nansha padi i mwine Kidishitu kakipwilangapo mu bula bwa myaka, waiya monka ku kupwila. Fwatakanya mo keivwanina mu bino bitatyi. Le kukasakepo bakulubule na nsangaji? (Mat 7:12) Ubulwe’po nobe kulonga bukomo bwa kwimuna bakwenu mu Njibo ya Bulopwe pa kushilula nansha pa kupwa kupwila? Kulonga namino kutuntwilanga’ko nsangaji ne buswe kadi kulemekejanga Yehova. (Mat 5:16) Shako, kebikapelapo kwisamba na muntu yense utenwe ku kupwila. Inoko, shi batwe bonso twielele’ko, bonso batenwe’ko bakemona bu abalubulwa biyampe. *

Kizaji kya bine kekilombolwangapo’nka mu bitatyi bya pa bula pamo bwa ku Kivulukilo, ino i mu bitatyi byonso. Beni po bemwena buswe bwa bwine Kidishitu, kebakabulwepo kutumbija Leza ne kwilunga netu mu mutōtelo utōka.​—Yoa 13:35.

^ mus. 3 Misoñanya ya mu Bible imitupeleje kupwana na bapangwe nansha na bapaluke bāya ku kupwila.​—1Ko 5:11; 2Yo 10.