Enda ku bidi'mo

Enda ku kifunka

 BŪMI BWA BENE KIDISHITU

Tonga Balunda na Tunangu

Tonga Balunda na Tunangu

Byobya byāfikile bene Isalela mu malungu a bene Moabu i kidyumu ku bene Kidishitu. (1Ko 10:6, 8, 11) Bana-bakaji bene Moabu bāongwele bene Isalela, bashilula kulonga nabo busekese ne kutōta bilezaleza. Kino kyebāletele makambakano makatampe. (Umb 25:9) Batwe netu twibajokolokwe na bakwetu ba ku kaji, ba ku masomo, balondakani, babutule, ne na bantu bakwabo botwiyukile nabo kebatōtangapo Yehova. Le i bika byotwifunda ku nsekununi ya mu Bible itala pa kupwana na bano bantu?

TALAI VIDEO BIMFWA BYA KUDYUMUKILA’PO MU ANO ETU MAFUKU—KAKIPINDI, KUPWA LONDOLOLAI BINO BIPANGUJO:

  • Le Zimidi ne bakwabo bādi na mulangilo’ka mubi obādi bashintulwila Yamine?

  • Le Finease wākweshe Yamine namani ekale na mumweno muyampe?

  • Le kupwana na muntu ke Kamonipo i kwishile namani na kusamba nandi bulunda bininge?

  • Mwanda waka tufwaninwe kuta mutyima potutonga balunda netu ba pa mutyima nansha ke mu kipwilo?

  • Mwanda waka tufwaninwe kwepuka kwikuja mu bisumpi pa marezo a mīsambo pa Entelenete mudi bantu boketuyukilepo?