Divule, bakaji bene Kidishitu banekenyanga babo balume betabije bubine kupityila ku mwiendelejo wabo muyampe. Inoko, kino kibwanya kulomba kūminina makambakano mu myaka mivule. (1Pe 2:21-23; 3:1, 2) Shi ususulwanga bya bukondame, nekenya nyeke bibi na biyampe. (Lo 12:21) Mwiendelejo obe mulumbuluke ubwanya kulupula bipa biyampe byokwadipo wa kubwanya na binenwa bitupu.

Tompa kumona bintu na mwibimwena mwinē pobe. (Fid 2:3, 4) Ikala na lusa ne kwitūla pa kyaba kya mwinē pobe, kadi wielele’ko kuvuija biselwa byobe na bulēme. Ikala muntu uteja senene. (Yak 1:19) Ikala na kitūkijetyima kadi kulupija mwinē pobe amba umusenswe. Nansha shi mwinē pobe kakulombolangapo kinyenye kadi kakulēmekelepo, abe kukulupila’mba Yehova umwene na mvubu kikōkeji kyobe.—1Pe 2:19, 20.

TALAI VIDEO YEHOVA WITUKOMEJANGA TUSELE KISELWA KYETU, KUPWA LONDOLOLAI BINO BIPANGUJO:

• Le būmi bwa Grace Li bwadi namani ku ngalwilo ya busongi bwabo?

• I bika byamukokēle ku bubine bwa mu Bible?

• Le Kaka Grace Li waūminine namani makambakano paapwile kubatyijibwa?

• I bika byadi bilombela Kaka Grace Li bitala wandi mulume?

• Le Kaka Grace Li wemwenine madyese’ka pa mwanda wa mwikadilo wandi wampikwa disubi ne wa bulēme bukatampe?