Enda ku bidi'mo

Enda ku kifunka

 BŪMI BWA BENE KIDISHITU

Yehova Usenswe Bantu ba Bukundwe

Yehova Usenswe Bantu ba Bukundwe

“Oya ku makasa. Komba ne kukolopa mwinjibo. Kele busala ku kyala.” Bino byo bifundijanga bambutwile bavule ku babo bana mwa kwikadila nyeke na dyangi ku ngitu. Inoko, misoñanya ya bukundwe itambanga kudi Leza wetu ujila. (Div 30:18-20; Kup 23:14; 2Ko 7:1) Shi tudyangula nyeke umbidi wetu ne bintu byotudi nabyo, tutumbijanga Yehova. (1Pe 1:14-16) Le ku yetu njibo ne ku bifuko bikwabo nako le? Bene Kidishitu i beshile na bantu belakanyanga busala mu mashinda ne mu biwanza, mwanda abo balamanga bifuko byobadi’mo bikale nyeke bitōka. (Ñi 115:16; Kus 11:18) Bukundwe bwetu bumwekelanga ne mu muswelo otwela tubintu tutyetutye pamo bwa masashé mwadi mabombo, bityupa ne bikopo mwadi bitomibwa, nansha mabazoka. Mu būmi bwetu bonso tusakanga ‘kwiyukanya bu bengidi ba Leza.’​—2Ko 6:3, 4.

TALAI VIDEO LEZA USENSWE BANTU BA BUKUNDWE, KUPWA LONDOLOLAI BINO BIPANGUJO:

  • Le bantu bamo babwanya kwibingija namani pa mwanda wa bintu byabo bidi na busala?

  • Le Bijila bya Mosesa byādi bilombola namani mumwena Yehova bukundwe?

  • Le tubwanya namani kuleta bukamoni padi Yehova pambulwa kunena?

Le mu bwami būmi, mbwanya namani kumwekeja mumwena Yehova bukundwe