Būmi i kyabuntu kilēme mpata. Muswelo otwingidija kino kyabuntu difuku ne difuku, o ulombola mwine motwikimwenine. Byotudi Batumoni ba Yehova, twielelanga’ko kwingidija bwino ne manwa etu mwanda wa kulēmeka ne kutumbija Yehova, mwine Upāna Būmi. (Ñi 36:9; Kus 4:11) Ino, kuzumbija mutyima pa būmi bwa difuku ne difuku mu ino ntanda mibi, kubwanya kwitulengeja bukidi bonka tutūle bintu bya ku mushipiditu kunyuma. (Mak 4:18, 19) I biyampe umo ne umo eipangule amba: ‘Lelo mpanga binebine Yehova bintu byami bitabukile kunengela? (Hos 14:2) Lelo kaji kami katyimpilanga panshi mwingilo wa Yehova? Le bitungo byami bya ku mushipiditu i bitungo’ka? Le mbwanya kutandabula namani mwingilo wami?’ Shi ubamone amba usakilwa kwilumbulula, nabya lomba Yehova akukwashe kadi longa bukomo bwa kwilemununa. Na bubine, kutendela Yehova difuku ne difuku kutwalanga ku būmi bwa nsangaji ne kuloelelwa!​—Ñi 61:8.

TALAI VIDEO INGIDILA YEHOVA NA BWINO BOBE, KUPWA, LONDOLOLAI KU BINO BIPANGUJO:

• Mwanda waka kupāna bwino bobe mu ntanda ya Satana i kubulwa tunangu? (1Yo 2:17)

• Le i madyese’ka eselwanga boba bapa Yehova bintu byabo bitabukile kunengela?

• I mu mingilo’ka ijila mobwanya kupāna bwino ne manwa obe?