Enda ku bidi'mo

Enda ku kifunka

 BŪMI BWA BENE KIDISHITU

A Bambutwile, Kwashai Benu Bana Bekale na Buyuki

A Bambutwile, Kwashai Benu Bana Bekale na Buyuki

Tudi mu ntanda imwekeja bintu bibi bu biyampe, biyampe nabyo bu bibi. (Isa 5:20) Kyabulanda, bantu bamo baloñanga bintu bishikilwe Yehova, kubandila’mo ne mwiendelejo mubi wa kusambakena pamo kwa bantu ba ngitu imo. Bankasampe ba ku masomo ne bantu bakwabo bakokeja kuningila betu bana balēme bakidi bankasampe bebeule. A bambutwile, le i muswelo’ka omubwanya kuteakanya benu bana bakomene kuningilwa ne matompo makwabo?

Kwashai benu bana bayuke misoñanya ya Yehova. (Lev 18:3) Mwibashintulwilei kyaba kyonso mungya yabo myaka binena Bible pa busekese. (Kup 6:7) Wiipangule amba: ‘Lelo ne mufundije bami bana mwikadile kisanso kyendele’mo, mvubu idi mu kuvwala bya butūkanye, ne amba bantu bafwaninwe kwibalēmekela bwanapabo bwabo? Le bami bana bayukile bya kulonga shi muntu kaebatadija porno nansha shi kaebaningila balonge bintu bimona Yehova bu bibi?’ Shi bekale na buyuki ku meso kwa kitatyi, bukebakwasha bemanije. (Nki 27:12; Mus 7:12) Shi ufundije bobe bana, nabya ukalombola’mba usenswe buno bupyani bukupele Yehova.​—Ñi 127:3.

TALAI VIDEO ŪBAKA NJIBO IKALADILA NYEKE​—KINGA BOBE BANA “KU BIBI,” KUPWA LONDOLOLAI BINO BIPANGUJO:

  • Mwanda waka bambutwile bamo bekakanga ku fundija babo bana myanda ya buladi?

  • Mwanda waka bambutwile bafwaninwe kufundija babo bana na “kwibalemununa ne kwibadyumuna bidyumu bya Yehova”?​—Ef 6:4

  • Buyuki i nsakwa

    Le bulongolodi bwa Yehova ibupe bambutwile bingidilwa’ka pa kufundija babo bana myanda itala buladi?​—w19.05 p. 12, kapango

  • Mwanda waka ufwaninwe kwisamba na bobe bana kitatyi ne kitatyi kumeso kwa abo kutanwa na matompo?