Enda ku bidi'mo

Enda ku kifunka

 BŪMI BWA BENE KIDISHITU

Lamai Busongi Bwenu

Lamai Busongi Bwenu

Yehova umonanga na mvubu mutyipo wa busongi. Wānenene amba ba mulume ne mukaji bafwaninwe kwilamata umo ku mukwabo. (Mat 19:5, 6) Kudi bisaka bivule mu bantu ba Leza bileta bimfwa biyampe. Inoko, i kutupu busongi bubwaninine. Myanda ifikanga. Ketufwaninwepo kwikala na mumweno udi na bavule wa amba shi mu busongi mubalupuka myanda, kusansana nansha kwilubula o muswelo muyampe wa kupwija’yo. Le i bika bibwanya kulonga bene Kidishitu besonge pa kulama busongi bwabo?

Tala bino bintu bitano.

  1. Lama obe mutyima na kupela kwiselembeja ne kwipwija mukose na bintu bikankamika busekese, mwanda bibwanya kona busongi bwenu.​—Mat 5:28; 2Pe 2:14.

  2. Ningijai bulunda bwenu na Leza, kadi sumininwai kulonga bintu bimusangaja mu busongi bwenu.​—Ñim 97:10.

  3. Endelela na kuvwala bumuntu bupya, kadi longela mwine pobe tubintu tutyetutye twa buswe mwanda wa kumusangaja.​—Kol 3:8-10, 12-14.

  4. Lemeka mwinē pobe, ne kwisamba nandi biyampe.​—Kol 4:6.

  5. Pa mwinē pobe kyokya kimufwaninwe na buswe kadi bya bukena.​—1Ko 7:3, 4; 10:24.

Bene Kidishitu balēmekanga Yehova, Mushiludi wa busongi na kulēmeka busongi bwabo.

TALAI VIDEO “TUNYEMEI NA KŪMININA”​TULĒMEKEI BIJILA BYA MWA KUNYEMENA, KUPWA LONDOLOLAI BINO BIPANGUJO:

  • Nansha busongi byo bubwanya kushilula biyampe, ino le i bikoleja’ka bibwanya kulupuka’ko?

  • Le misoñanya ya mu Bible ibwanya kukwasha namani boba bamona’mba kebakisenswepo mu busongi bwabo?

  • Shi usaka busongi bwenu bwikale bwa nsangaji ingidija misoñanya ya mu Bible

    Le i misoñanya’ka iletele Yehova itala boba besongele?

  • Pa kusaka’mba busongi bwendeke, le ba mulume ne mukaji banenwe kulonga bika?