Le wimonanga bu mwitolwele ne bu mushiyena? Shi i amo, padi ye uno unena na mwānenene mulembi wa mitōto amba: “Naikala pamo bwa koni ketolwele pa musaka.” (Ñimbo ya Mitōto 102:7) Tunangu twa mu Bible tubwanya kukukwasha ulwe na makambakano aletwa na milangwe ya kwitolwela.

•  Ningija nyeke kipwano kyobe na Leza

•  Tanga bisonekwa bisenga bidi mu Bible

•  Jingulula kine kilongekela bintu bibi pano pa ntanda

•  Epuka kuzumbija mutyima kwa bituputupu

•  Pwana na bantu

•  Ikala na bya kulonga

 Nansha shi wimona bu mwitolwele, ubwanya kwikala na nsangaji shi ujingulule amba kudi byosakilwa ku mushipiditu ebiya ne kuvuija’byo. (Mateo 5:3, 6) Ukokeja kushilula na kwingidija bino bintu.

•   Bible udi pa Entelenete wa bine ne upēla kutanga

•   Bifundwa bya Bible bya pa Entelenete bine bilondolola bipangujo bivule bya mvubu mpata mu būmi

•   Mavideo mepi a bufundiji bumobumo bwa kamweno budi mu Bible

•   “Bilondololwa bya Bipangujo bya mu Bible”—Bikutwala kokwa kudi bilondololwa bya bipangujo bipangulwanga divule

•   “Iulai Lwitabijo Lwabo”—Mulongo wa bishinte bikujokejeja mu ñeni nsekununi ya bana-balume ne bana-bakaji ba kikōkeji batelelwe mu Bible

•   “Le Kudi Wikilongele?”—Mulongo wa bishinte bilombola buyampe bwa bipangwa bidi mu ino ntanda ne kubezemukwa kwabyo

 Bino bisonekwa ke bisenge bantu bavule. Pa kyaba kya kutanga bisonekwa kipukwi, mona kitatyi kyowitolwele bu mukenga wa kulangulukila pa kisonekwa ne kisonekwa ne kulombela.—Mako 1:35.

•   Ñimbo ya Mitōto 23:1-6

•   Ñimbo ya Mitōto 34:1-22

•   Ñimbo ya Mitōto 46:1-11

•   Ñimbo ya Mitōto 63:6-8

•   Ñimbo ya Mitōto 91:1-6

•   Mateo 6:25-34

•   2 Bene Kodinda 1:3, 4

•   Bene Fidipai 4:6, 7

•   1 Petelo 5:6, 7

 Shi uyuke kine kilongekela bintu bibi ne byobya bisa kulonga’po Leza pa kulongolola bintu, nabya ukalwa na mwanda o-onso uvutakanya ñeni.​—Isaya 65:17.

•   Mwanda waka Leza ulekele’ko masusu?

•   Le Bible unena bika pa bubi ne lufu?

•   Le kiyukeno kya mafuku a mfulo i kyepi?

•   Le ba pa tubalwe baná ba mu Kusokwelwa i bāni?

•   I bika bikalonga Bulopwe bwa Leza?

 Tala bishinte bibwanya kukukwasha ulwe na tuvutakanya tuletwa na milangwe ya kwitolwela kadi ‘uleke ne kuzumbija mutyima.’—Mateo 6:25.

•   Mwa kulwila na kuvutakanibwa ñeni

•   Muswelo wa kulama mumweno muyampe

•   Kuzumbija mutyima pangala pa kyaka

•   Kuzumbija mutyima pangala pa lupeto

•   Kuzumbija mutyima kwikalanga na bankasampe

 Kupwana na bantu kukwashanga mu ñeni ne mu malango kadi kudi na kamweno bininge mu kitatyi kyotujikilwe kwa bunka. Shi wi mushityilwe pamo kwinjibo, ubwanya kwingidija video nansha diwi mwanda wa kwisamba na balunda bobe ba kala ne kupwana na bapya. Tala bishinte bibwanya kukukwasha usokole “mulunda wa bine.”—Nkindi 17:17.

•   Mulunda muyampe wikalanga namani?

•   Le mbweje’ko balunda?

•   Le ukalonga namani shi umona’mba kudipo na mulunda nansha umo?

•   Pwana na bantu na kwikala na buntu

•   Pwana na bantu na kwikala muntu ufwija’ko

 Bible amba “kwitamuna bidyoma kudi na kamweno.” (1 Temote 4:8, kunshi kwa dyani) Kukwashanga mu mutwe mwikale biyampe, nakampata shi ulwanga na milangwe ya kwitolwela. Nansha shi wi mushityilwe pamo ku njibo, kubwanyapo kubudidilwa bya kulonga.

•   Jinya ngitu na kwingila twa kwingila

•   Komeja bukomo bwa kwikinga ku ngitu ne mu ñeni