Yoshua 15:1-63
15 Ntanda yapelwe*+ kisaka kya Yuda mungya mafu abo yalungulukile kufika ne ku mukalo wa Edoma,+ mu ntanda mutuputupu ya Zine, kufika ne ku Nengeba ku mfulo yandi ya kunshi.
2 Mukalo wabo wa kunshi wadi ushilwila kufulakufula kwa Dijiba dya Mwepo,*+ kushilwila mu kitonto kitadidile kunshi.
3 Kadi wadi ulunguluka dya kunshi kufika ne ku mukuna wa Akelabimi,+ wapita pa Zine, kupwa wakanda tamba kunshi kutūla ku Kadesha-Balenea,+ dya pa Hezelone, pangala pa Adala, wajokoloka ne dya ku Kalaka.
4 Kupwa wapita ku Azemone+ walunguluka kufika ne ku Kinekaneka* kya Edipito,+ kadi mukalo wafudile ku Dijiba.* Uno o wadi mukalo wabo wa kunshi.
5 Mukalo wa kutunduka i Dijiba dya Mwepo* kukanda kufika ne ku mfulo kwa Yodano, kadi mukalo wa ku difinko dya kungala wadi mu kitonto kya dijiba, dya ku mfulo kwa Yodano.+
6 Mukalo wadi ukanda dya ku Bete-Hokela+ wapita dya kutunduka kwa Bete-Alaba,+ kadi mukalo wadi ukanda dya ku dibwe dya Bohane+ mwanā Lubeni.
7 Mukalo wadi ukanda dya ku Debile ku Musanza* wa Akola+ waalamukila kungala kutūla ku Ngilengale+ udi kampalampala na mukuna wa Adumimi udi kunshi kwa kinekaneka, kadi mukalo wapityile dya ku mema a Ene-Shemeshe+ wakafula ku Ene-Longele.+
8 Mukalo wadi ukanda dya ku Musanza wa Mwanā Hinome+ kufika ne ku matēlo a bene Yebushi+ dya kunshi, ko kunena’mba Yelusalema,+ kadi mukalo wadi ukanda dya ku nsongo ya lūlu lwitadidile na Musanza wa Hinome dya kushika, ludi kufulakufula kwa Musanza* wa Lefaime dya kungala.
9 Kadi mukalo waketelwe tamba ku nsongo ya lūlu kufika ne ku nsulo ya mema a Nefatoa+ walunguluka kufika ne ku bibundi bya ku Lūlu lwa Efeloni; kadi mukalo waketelwe ku Balā, ko kunena’mba Kidiata-Yeadimi.+
10 Mukalo waenda wajokoloka tamba ku Balā dya kushika kufika ne ku Lūlu lwa Seila, wapita dya ku matēlo a Lūlu lwa Yeadimi dya kungala, ko kunena’mba Kesalone, kadi watūkila ku Bete-Shemeshe+ wapita ne dya ku Timina.+
11 Kadi mukalo walungulukile kufika ne ku matēlo a Ekalone+ kungala, mukalo waketelwe ne ku Shikelone, wapita dya ku Lūlu lwa Balā waenda kufika ne ku Yabenele, kadi mukalo wakafula ku dijiba.
12 Mukalo wa kushika wadi ku Dijiba Dikatampe*+ ne mbadi yadyo. Uno o wadi mukalo wa lutundu lwa Yuda mungya mafu abo ku mitamba yonso.
13 Ino wapa Kalebu+ mwanā Yefune kipindi mu bukata mwa lutundu lwa Yuda mungya mobasoñaninye’kyo Yoshua kudi Yehova, ko kunena’mba Kidiata-Alāba (Alāba wadi shandya Anaki), ko kunena’mba, Hebelona.+
14 Penepa Kalebu wapanga’mo bana basatu ba Anaki:+ Sheshai, Ahimana, ne Talamai,+ lutundu lwa Anaki.
15 Kupwa wataluka wakanda kukalwa na bekadi ba Debile.+ (Debile wadi witwa dibajinji bu Kidiata-Sefele.)
16 Ebiya Kalebu wanena’mba: “Yewa ukanekenya Kidiata-Sefele ne kumukwata, nkamupa wami mwana Akesa ke wandi mukaji.”
17 Penepa Oteniele+ mwanā Kenaza,+ mwanabo na Kalebu, wekikwata. Nandi wamupa wandi mwana Akesa+ ke wandi mukaji.
18 Ino Akesa paadi wenda ku njibo, wamuzenza alombe shandi ntanda. Kupwa Akesa watūka pa wandi mpunda.* Kalebu wamwipangula’mba: “Le usaka bika?”+
19 Nandi walondolola’mba: “Nakwisāshila ngesele dyese, mwanda waumpele kipindi kya ntanda kunshi;* mpe ne Ngulote-Maime* mwine.” Ebiya nandi wamupa Ngulote wa Kungala ne Ngulote wa Kunshi.
20 Buno bo bwadi bupyani bwa kisaka kya Yuda mungya mafu abo.
21 Bibundi byadi kufulakufula kwa kisaka kya Yuda dya ku mukalo wa Edoma+ kunshi i bino: Kabezele, Edela, Yakula,
22 Kina, Dimona, Adada,
23 Kedesha, Hazola, Itenane,
24 Zife, Teleme, Bealota,
25 Hozola-Hadata, ne Kediota-Hezelone, ko kunena’mba Hazola,
26 Amame, Shēma, Molada,+
27 Hazala-Ngada, Heshemone, Bete-Pelete,+
28 Hazala-Shuale, Bela-Sheba,+ Biziotia,
29 Balā, Imi, Ezeme,
30 Eletolade, Kesile, Holama,+
31 Zikelake,+ Mademana, Sansana,
32 Lebaote, Shilehimi, Aine, ne Dimōne+—bibundi byonso i 29 pamo ne bīkalo byabyo.
33 Mu Shefela+ mwadi: Eshetaole, Zola,+ Ashena,
34 Zanoa, Ene-Nganime, Tapua, Ename,
35 Yalemute, Adulama,+ Soko, Azeka,+
36 Shalaimi,+ Aditaimi, ne Ngedela ne Ngedelotaimi*—bibundi 14 ne bīkalo byabyo.
37 Zenane, Hadasha, Midale-Ngade,
38 Dilane, Mizipe, Yokatele,
39 Lakishi,+ Bozekata, Engelone,
40 Kabone, Lamame, Kitilishi,
41 Ngedelote, Bete-Dakona, Naama, ne Makeda+—bibundi 16 ne bīkalo byabyo.
42 Dibena,+ Etele, Ashana,+
43 Ifeta, Ashena, Neziba,
44 Keila, Akiziba, ne Malesha—bibundi kitema ne bīkalo byabyo.
45 Ekalone ne bibundi bidi mu bwendeji bwandi* ne bīkalo byandi;
46 tamba ku Ekalone dya kushika, ne bibundi byonso bidi ku mukunkujo wa Ashedoda ne bīkalo byabyo.
47 Ashedoda,+ ne bibundi bidi mu bwendeji bwandi* ne bīkalo byandi; Ngaza+ ne bibundi bidi mu bwendeji bwandi ne bīkalo byandi, kutūka kufika ne ku Kinekaneka kya Edipito, Dijiba Dikatampe,* ne ntanda ilondakene nayo.+
48 Mu ntanda ya ngulu namo: Shamilu, Yatilu,+ Soko,
49 Dana, Kidiata-Sana, ko kunena’mba Debile,
50 Anaba, Eshetemo,+ Anime,
51 Ngoshena,+ Holone, ne Ngilo+—bibundi 11 ne bīkalo byabyo.
52 Alabi, Duma, Eshane,
53 Yanimi, Bete-Tapua, Afeka,
54 Humeta, Kidiata-Alāba, ko kunena’mba Hebelona,+ ne Ziole—bibundi kitema ne bīkalo byabyo.
55 Maone,+ Kalamela, Zife,+ Yuta,
56 Yezelele, Yokedeame, Zanoa,
57 Kaina, Ngibea, ne Timina+—bibundi dikumi ne bīkalo byabyo.
58 Halehule, Bete-Zule, Ngedole,
59 Malata, Bete-Anote, ne Eletekoni—bibundi bisamba ne bīkalo byabyo.
60 Kidiata-Bāla, ko kunena’mba Kidiata-Yeadimi,+ Laba—bibundi bibidi ne bīkalo byabyo.
61 Mu ntanda mutuputupu: Bete-Alaba,+ Midini, Sekaka,
62 Nibeshane, Kibundi kya Mwepo, ne Ene-Ngedi+—bibundi bisamba ne bīkalo byabyo.
63 Ino bana-balume ba Yuda kebabwenyepo kupanga+ bene Yebushi+ badi bashikete mu Yelusalema,+ o mwanda mwine bene Yebushi bakishikete mu bantu ba Yuda mu Yelusalema kufika ne dyalelo.
Kunshi kwa Dyani
^ Nansha’mba “yapelwe na bubale.”
^ Ko kunena’mba, Dijiba Difwe.
^ Tala Nshintulwilo ya Bishima.
^ Ko kunena’mba, Dijiba Dikatampe, Meditelanea.
^ Ko kunena’mba, Dijiba Difwe.
^ Nansha’mba “Dilungu dya Musanza.”
^ Nansha’mba “Dilungu dya Musanza.”
^ Ko kunena’mba, Meditelanea.
^ Bibwanika padi i, “wakupila makasa andi aye papo pa mpunda.”
^ Nansha’mba “Nengeba.”
^ Ko kushintulula’mba “Masāni (Ngeso) a Mema.”
^ Bibwanika padi i, “Ngedela ne bipombo byakyo bya mikōko.”
^ Nansha’mba “bimujokolokele.”
^ Nansha’mba “bimujokolokele.”
^ Ko kunena’mba, Meditelanea.
