Yoba 34:1-37
34 Penepo Edihu walunguluka na kunena kalondolola’mba:
2 “Ivwanai binenwa byami, banwe ba tunangu;Ntejei, banwe bayukile bivule.
3 Mwanda kutwi kutompanga binenwaMonka mutompelanga ludimi* byakudya.
4 Tubandaulei batwe bene kyokya kyoloke;Tutongei mu bukata mwetu kyokya kiyampe.
5 Mwanda Yoba wanena’mba, ‘Ami ne mubinge,+Ino Leza wapele kumingija.+
6 Le mbepe pa mufwaninwe kwikadila butyibi bwami?
Kilonda kyami kekikakomapo, nansha byokekudipo kujilula.’+
7 Le i muntu’ka mukwabo udi pamo bwa Yoba,Utoma kibengo pamo bwa mema?
8 Aye upwene na banonga-bibiKadi unañanga na bantu babi.+
9 Mwanda wanena’mba: ‘Muntu kamwenanga’mopoShi utompa kusangaja Leza.’+
10 Nanshi ngivwanei, banwe bantu ba ñeni:*
Kebibwanikapo Leza wa bine kulonga bintu na nshikani,+Nansha Mwinē Bukomo Bonso kulonga bibi!+
11 Mwanda ukapala muntu mungya byalonga+Ne kumuletela byobya bilupuka ku mashinda andi.
12 I bine, Leza kaloñangapo bintu na nshikani;+Mwinē Bukomo Bonso kanyengakanyangapo boloke.+
13 Le i ani wamupēle lupusa lwa kutala ntanda,Kadi i ani wamutongele kwendeja ntanda yonso?*
14 Shi webate mutyima,*Shi wakongakanya mushipiditu ne umpuya wabo kwadi,+
15 Bantu* bonso bakafwa pamo,Kadi bantu bakajokela ku luvumbi.+
16 Nanshi shi udi na ñeni, tá mutyima ku kino’ki;Ivwana biyampe byonena.
17 Le muntu ushikilwe boloke ubwanya kwendeja,Kadi le abe ukaponeja nkomokomo moloke?
18 Le ukanena mulopwe amba, ‘Abe wi muntu wa bitupubitupu,’
Nansha bantu ba bulēme amba, ‘Banwe mwi babi’?+
19 Kudi Umo kekalangapo na mboloji ku bamfumuKadi katōkelwangapo mpeta mutyima kupita’ko mulanda,*+Mwanda bonso i mingilo ya makasa andi.+
20 Babwanya kufwa mu kitulumukila,+ mu bukata bwa bufuku;+Basunkanibwanga bibi ne kupita’bo;Enka ne bankomokomo bene batalulwanga’ko, ino ke na mabokopo a bantu.+
21 Mwanda meso a Leza adi pa mashinda a muntu,+Kadi umonanga matabula andi onso.
22 I kutupu fukutu nansha mwemba mukatampeMubwanya kufyama banonga-bibi.+
23 Mwanda Leza katūdilepo kitatyi kitungwe kya muntu enseKumweka ku meso andi mu butyibi.
24 Utyumunanga bankomokomo kwampikwa ne kyaipangwila kineNe kutūla bakwabo pa kyabo kyaba.+
25 Mwanda aye uyukile byobalonga;+Wibabikulanga bufuku, bavingakanibwa.+
26 Wibakupilanga mwanda wa bubi bwabo,Pa kifuko kibwanya kumona bonso,+
27 Mwanda abasāsuka kebakimulondapo+Kadi kebatelepo mutyima ku dishinda dyandi nansha dimo;+
28 Balengeja balanda bamudidile,Amba evwane madilo a bafudile.+
29 Shi Leza waube talala, le i ani ubwanya kumuponeja?
Shi wafi mpala yandi, i ani ubwanya kumumona?
Wikale muzo nansha muntu, i pamo ponka,
30 Kutyina’mba muntu wampikwa Leza* wakabikala+Nansha kuta bantu makinga.
31 Mwanda le kudi muntu ukanena Leza amba,‘Napebwa mfuto, nansha byonkilongelepo kabi;+
32 Mfundije byonakomenwa kumona;Shi ne mulonge kibi, nkikalonga’kyopo monka’?
33 Le ukakupala pa mwanda wa bishima byobe abe papo upela butyibi bwandi?
Abe ufwaninwe kutonga, ke amipo.
Nanshi nombole byoyukile biyampe.
34 Bantu ba ñeni,* bakansapwila—Muntu ense wa tunangu ungivwana—
35 Amba, ‘Yoba wisambanga kwampikwa buyuki,+Kadi binenwa byandi kebidipo na bujinguludi.’
36 Yoba atompibwe* kufika ne pa mfuloMwanda malondololo andi adi pamo bwa a bantu babi!
37 Ubwejanga butomboki ku bubi bwandi;+Ukupilanga bikufi bya kibengo ku meso etuKadi uvudijanga binenwa byanena Leza wa bine!”+
Kunshi kwa Dyani
^ Kishima pa kishima i, “kilango.”
^ Kishima pa kishima i, “mutyima.”
^ Nansha’mba “ntanda ikelwe na bantu.”
^ Kishima pa kishima i, “mutyima wandi.”
^ Kishima pa kishima i, “Ngitu.”
^ Nansha’mba “wa bulēme kupita’ko mupēlulwe.”
^ Nansha’mba “kapondo.”
^ Kishima pa kishima i, “mutyima.”
^ Bibwanika padi i, “A tata, Yoba atompibwe.”
