Musapudi 10:1-20
10 Nji mifwe inunkijanga māni a mananshi keatambija bifulwe,* mo monka ne bulembakane butyetye nabo butādilanga tunangu ne ntumbo.+
2 Mutyima wa muntu wa tunangu umwendejanga mu dishinda dyoloke,* ino mutyima wa kivila umwendejanga mu dishinda dibi.*+
3 Mu dishinda dyonso dyenda’mo mulembakane, aye i wampikwa ñeni,*+ kadi ulengejanga bonso bayuke amba i mulembakane.+
4 Shi bulobo* bwa mulopwe bubakudyendyemukila, kokitaluka pa kifuko kyobe,+ mwanda kutalala kutūkijanga bubi bukatampe.+
5 Kudi kintu kisansa kyonamona muno munshi mwa dyuba, kilubo kilonga boba bapelwe lupusa:+
6 Bulembakane i butūlwe pa bitenta bingi, ino bampeta* abo badi nyeke munshi.
7 Namone bengidi pa tubalwe ino bamfumu’ko benda lwa nshi pamo’nka bwa bengidi.+
8 Yewa ukola lubao ubwanya kuponena’mo;+ kadi yewa ubundula lubumbu lwa mabwe ubwanya kusumwa na nyoka.
9 Yewa ukola mabwe abwanya kumusanshija, kadi yewa ulala nkuni ibwanya kumutūla mu kyaka.*
10 Shi kingidilwa kya kyuma kekidipo na bui kadi muntu kekinonenepo, bikamulomba kulonga bukomo bungi. Ino tunangu tukwashanga pa kuvuija bintu senene.
11 Shi nyoka wasumana kumeso kwa kutalajibwa, nabya yewa utalajanga banyoka na bwino* kakidipo na kamweno.
12 Binenwa bitamba mu kyakanwa kya muntu wa tunangu bisangajanga,+ ino milomo ya kivila i musala wandi.+
13 Binenwa bibajinji bitamba mu kyakanwa kyandi i bulembakane,+ binenwa byandi bya mfulo nabyo i bulubi bwa malwa.
14 Ino mulembakane wisambanga’nka kwisamba.+
Muntu kayukilepo bikalongeka; le i ani ubwanya kumulombola bikāya’ko shi aye ke mufwe?+
15 Mwingilo mukomo wa mulembakane umupungijanga, mwanda kayukilepo enka ne mwa kusokwela dishinda dyenda ku kibundi.
16 Bine, i kya malwa shi ntanda idi na mulopwe mwanuke+ kadi bamfumu bashilula kusoba masobo lubanga!
17 Bine, ntanda i ya nsangaji shi mulopwe wayo i mwanā ba bulēme kadi bamfumu badya pa kitatyi kifwaninwe mwanda wa kumona bukomo, ke mwandapo wa kukolwa!+
18 Pa mwanda wa bukope bupitepite makomba a musaka ayelanga, kadi pa mwanda wa maboko mazoboloke njibo isūmanga.+
19 Mukate* i mulongelwe wa tusepo, kadi vinyu nayo isangajanga būmi;+ ino lupeto lusokolanga byonso bisakwa.+
20 Kokafinga* mulopwe nansha ke mu milangwe* yobe mwine,+ kadi kokafinga mpeta mu kyumba kyolālanga’mo; mwanda koni* kabwanya kusela diwi,* kadi kipangwa kya mapapa kibwanya kupituluka binenenwe.
Kunshi kwa Dyani
^ Nansha’mba “bifulo, bifulu.”
^ Kishima pa kishima i, “udi ku kuboko kwandi kwa lundyo.”
^ Kishima pa kishima i, “udi ku kuboko kwandi kwa lunkuso.”
^ Kishima pa kishima i, “mutyima wandi i mubulwe.”
^ Kishima pa kishima i, “mushipiditu; umpuya.”
^ Nansha’mba “bankanka.”
^ Bibwanika padi i, “ufwaninwe kutadija nayo.”
^ Kishima pa kishima i, “mfumwandya ludimi.”
^ Nansha’mba “Byakudya.”
^ Nansha’mba “Kokasakila bibi.”
^ Bibwanika padi i, “pa butanda bobe.”
^ Kishima pa kishima i, “kipangwa kitumbuka kya mūlu.”
^ Nansha’mba “mwanda.”
