Bilongwa bya Mafuku wa Bubidi 8:1-18
8 Ku mfulo kwa myaka 20 yaubakile Solomone njibo ya Yehova ne njibo* yandi,+
2 Solomone waubakulula bibundi byamupēle Hilama,+ ebiya Solomone watūla’mo bene Isalela.*
3 Ne kadi, Solomone waenda ku Hamata-Zoba wamukwata.
4 Kupwa waubaka* Tadamola mu ntanda mutuputupu ne bibundi byonso bya bibīko+ byawaubakile mu Hamata.+
5 Waubaka ne Bete-Holone wa Kungala+ ne Bete-Holone wa Kunshi,+ bibundi bikomejibwe na mumbu, bibelo, ne mikabo,
6 ne Balata+ ne bibundi byonso bya bibīko bya Solomone, ne bibundi byonso bya makalo,+ ne bibundi bya bakandanga pa tubalwe, ne byonso byadi bisaka kūbaka Solomone mu Yelusalema, ne mu Lebanona, ne mu ntanda yonso ya bulopwe bwandi.
7 Ino bantu bonso bashele ku bene Hiti, ku bene Amole, ku bene Pedizi, ku bene Hivi, ne ku bene Yebushi,+ boba kebadipo babadilwa mu Isalela,+
8 ntundu yabo yashele mu ntanda’ya—boba bokebakubijepo kudi bene Isalela+—baselelwe na Solomone ke ba kwingila mingilo ya kuningilwa kufika ne dyalelo’di.+
9 Ino Solomone katūdilepo mwine Isalela nansha umo bu umpika ku mingilo yandi,+ mwanda badi bandi bantu ba bulwi, bakata ba bandi basola bakwashi, ne bakata ba bantu bandi bakandanga pa makalo ne pa tubalwe.+
10 Kwadi bakata 250 ba bampingakani ba Mulopwe Solomone, ne ba kutangidila bantu.+
11 Kadi Solomone watambija mwanā Felo mwana-mukaji+ mu Kibundi kya Davida, wamukandija ku njibo yaamūbakīle,+ mwanda wanenene amba: “Nansha byadi wami mukaji, kafwaninwepo kushikata mu njibo ya Davida mulopwe wa Isalela, mwanda bifuko bifikile’po Sanduku wa Yehova i bijila.”+
12 Kupwa Solomone walambula bitapwa bisōkwe+ kudi Yehova pa kisōkelo kya Yehova+ kyawaubakile kumeso kwa kibidi kya pa kibelo.+
13 Walondele kibidiji kya difuku ne difuku, walambula byamulambu mungya mbila ya Mosesa itala pa Masabato,+ makweji katenta,+ ne masobo matungwe misunsa isatu ku mwaka+—Masobo a Mikate Yampikwa Kiyujo,+ Masobo a Mayenga,+ ne Masobo a Bitanda.*+
14 Kadi watonga bibumbo bya babitobo+ mwanda wa mingilo yabo mungya kijila kya shandi Davida, ne bene Levi mwanda wa bifuko bya mingilo yabo, kutendela+ ne kwingila ku meso a babitobo mungya kibidiji kya difuku ne difuku, ne batulama ba ku kibelo mu bibumbo byabo mwanda wa bibelo palapala,+ mwanda yo yadi mbila ya Davida, muntu wa Leza wa bine.
15 Kadi kebasāsukilepo mbila ya mulopwe yaapele babitobo ne bene Levi itala mwanda o-onso ne itala mobo a bibīko.
16 Penepo mingilo ya Solomone yalongololwa yonso senene,* tamba difuku dyawaadile kyalwilo+ kya njibo ya Yehova kufika ne byoyapwile. Enka nenki njibo ya Yehova yapwa.+
17 I mu kine kitatyi’kya kyaendele Solomone ku Eziona-Kebele+ ne ku Elote+ ku mukunko wa dijiba mu ntanda ya Edoma.+
18 Hilama+ wamutumina byombo ne bengidi ba ku byombo ba bwino na bengidi bandi. Baenda na bengidi ba Solomone ku Ofila+ basela’ko talenta* 450 ya olo,+ bapaila’yo Mulopwe Solomone.+
Kunshi kwa Dyani
^ Nansha’mba “njibo mikatakata.”
^ Kishima pa kishima i, “bana ba Isalela.”
^ Nansha’mba “waubakulula.”
^ Nansha’mba “Mwa Kufyama Kyaba Kityetye.”
^ Nansha’mba “yatūlwa mu ndudi senene, yapwa.”
^ Talenta imo i makilo 34,2. Tala Mbwejo B14.
