Bilongwa bya Mafuku wa Bubidi 27:1-9
-
Yotama, mulopwe wa Yuda (1-9)
27 Yotama+ wadi na myaka 25 paabikele, wabikele myaka 16 mu Yelusalema. Dijina dya inandi i Yelusha mwanā Zadoki.+
2 Wadi ulonga nyeke byoloke ku meso a Yehova na mwalongēle shandi Uzia,+ ino aye katwelelepo ku bukomo mu tempelo ya Yehova.+ Inoko bantu badi bakilonga bya buñonaona.
3 Waubakile kibelo kya pangala kya njibo ya Yehova,+ kadi waubakile byūbakwa bingi pa lubumbu lwa Ofele.+
4 Waubaka ne bibundi+ mu ntanda ya ngulu ya Yuda,+ kadi waubaka ne bifuko bikomejibwe+ ne biteba+ mu bifuko bya mityi.
5 Walwa divita na mulopwe wa bene Amone,+ ku mfulo webanekenya, ebiya bene Amone bamupa talenta* 100 ya ndalama mu mwine mwaka’wa, ne bipimo bya kola* 10 000 bya ñano, ne bipimo 10 000 bya mebele a buluba. Bene Amone bamufutyile bino’bi ne mu mwaka wa bubidi ne wa busatu mwine.+
6 Penepo Yotama wadi wenda ukoma’nka kukoma, mwanda washimatyije* mashinda andi ku meso a Yehova Leza wandi.
7 Myanda mikwabo ya mānga ya Yotama, mavita onso awalwile ne mashinda andi, i milembwe mu Mukanda wa Balopwe ba Isalela ne ba Yuda.+
8 Wadi na myaka 25 paabikele, wabikele myaka 16 mu Yelusalema.+
9 Kupwa Yotama walādikwa mwanda wa kukōkolokwa na bakulutuba bandi, bamujīka mu Kibundi kya Davida.+ Ebiya wandi mwana Ahaza wabikala pa kyandi kyaba.+
Kunshi kwa Dyani
^ Talenta imo i makilo 34,2. Tala Mbwejo B14.
^ Kola umo i malitele 220 (makwatyi 200 a byūmu). Tala Mbwejo B14.
^ Nansha’mba “wateakenye.”
