Ñimbo ya Mitōto 99:1-9
99 Yehova wabikala ke Mulopwe.+ Bantu bazakale.
Ushikete pa lupona peulu* pa bakelubi.+ Ntanda itenkane.
2 Yehova i mukatampe mu Ziona,Kadi udi peulu pa bantu bonso.+
3 Batendele dijina dyobe dikatampe,+Mwanda dileñanga nzuba kadi i dijila.
4 Aye i mulopwe mukomokomo usenswe boloke.+
Ubakomeja pototo kyokya kyoloke swā.
Ubaleta bululame ne boloke+ mu Yakoba.
5 Zunzulai Yehova Leza wetu+ ne kwivukwila* ku kitūlo kya maulu andi;+Aye i ujila.+
6 Mosesa ne Alone badi babitobo bandi,+Samwele nandi wadi mu boba badi beta dijina dyandi.+
Badi beta Yehova,Nandi wibetaba.+
7 Wadi wisamba nabo mu dilenga dya dikumbi.+
Balamine bivulujo byandi ne mbila yaebapele.+
8 A Yehova Leza wetu, webetabile.+
Wi Leza wadi wibalekela,+Ino webapa mfuto* pa mwanda wa bilongwa byabo bya bubi.+
9 Zunzulai Yehova Leza wetu+Ne kwivukwila* ku meso a lūlu lwandi lujila,+Mwanda Yehova Leza wetu i ujila.+
Kunshi kwa Dyani
^ Bibwanika padi i, “pa bukata.”
^ Nansha’mba “kutōta.”
^ Kishima pa kishima i, “webalubwila kinongo.”
^ Nansha’mba “kutōta.”
