Ñimbo ya Mitōto 92:1-15
Lwimbo lwa difuku dya Sabato.
92 I biyampe kufwija’ko Yehova+Ne kwimbila dijina dyobe mitendelo,* a Mwine wa Peulu Mwine,
2 Kusapula buswe bobe bwa ndamatyidile+ lubangaNe bubinebine bobe bufuku,
3 Pamo na kyombanwa kya myonji dikumi ne kya isatu,Na diwi dileululwe dya lunsense.+
4 Ke-pantu ubaunsangaja, abe Yehova, mwanda wa bilongwa byobe;Mwanda wa mingilo ya makasa obe naela nsadi ya tusepo.
5 Bine, mingilo yobe i mikatampe, abe Yehova!+
Bine, milangwe yobe i ya mushike mukatampe.+
6 I kutupu muntu kalañangapo ubwanya kwiiyuka;Kadi i kutupu mulembakane ubwanya kwivwana kino amba:+
7 Kitatyi kimena babi pamo bwa biyomboNe kimona banonga-bibi bonso biyampe,I mwanda wa batukijibwe fututu nyeke.+
8 Ino wi muzunzulwe nyeke, abe Yehova.
9 I bine, tala kupona kwa balwana nobe, a Yehova,Tala mukonekela balwana nobe;Banonga-bibi bonso bakapalakanibwa.+
10 Ino ukazunzula bukomo* bwami pamo bwa bukomo bwa ñombe wa ntanda;Nketūtanga māni mapya pa kikoba kyami.+
11 Meso ami akamona kupona kwa banshikilwe;+Matwi ami akevwana kupona kwa bantu babi bantamba.
12 Ino moloke ukamona biyampe pamo bwa kankinduNe kubaya pamo bwa mutyi wa sedele mu Lebanona.+
13 I bakunwe mu njibo ya Yehova;Bamonanga biyampe mu bipango bya Leza wetu.+
14 Nansha ke pa bununu* pene bakatūbuluka nyeke;+Bakekala nyeke na bukomo* kadi bafufuma,+
15 Ne kusapula’mba Yehova i moloke swā.
I Dibwe+ dyami, mudi aye kemudipo bukondame.
Kunshi kwa Dyani
^ Nansha’mba “kombela minjiki.”
^ Kishima pa kishima i, “lusengo.”
^ Nansha’mba “mu kitatyi kya mvwi ku mutwe.”
^ Kishima pa kishima i, “banune.”
