Ñimbo ya Mitōto 91:1-16
91 Yewa ense wikele pafyame pa Mwine wa Peulu Mwine+Ukekalanga mu mwemba wa Mwinē Bukomo Bonso.+
2 Nkanenanga Yehova amba: “Abe wi kinyemeno kyami ne kifuko kyami kikomejibwe,+Leza wami onkulupile.”+
3 Mwanda aye ukankūlanga ku dikinga dya kiluwe wa byoni,Ku kipupo kya misongo kya bonakani.
4 Ukakupūtanga* mapapwa andi,Kadi nobe ukanyemena mu mapapa andi.+
Bubinebine bwandi+ bukekala ke ngabo mikatampe+ ne lubumbu* lwa kukinga.
5 Kukatyinapo luzakalo lwa bufuku,+Nansha muketo upita dyuba,+
6 Nansha kipupo kya misongo kibenza mu mfindi,Nansha bonakani buleta musala dyuba mu mitwe.
7 Kanunu kakapona kubwipi nobeNe tununu dikumi ku kuboko kobe kwa lundyo,Ino kekikakufwenapo.+
8 Ukekimonanga’tu na meso obePokemwena mfuto ya* babi.
9 Mwanda wanenene amba: “Yehova i kinyemeno kyami,”
Ubalonga Mwine wa Peulu Mwine ke kīkalo* kyobe;+
10 I kutupu kimpengele kikakuponena,+Nansha kipupo kikafwena kubwipi na pema obe.
11 Mwanda aye ukasoñanya bamwikeulu+ bandi pa mwanda obe,Amba bakulame mu mashinda obe onso.+
12 Bakakusela mu makasa abo,+Kutyina’mba wakakukala kulu ku dibwe.+
13 Ukatyampanga ntambo mwana ne ntambwa-ntanda*Ukatyimpila mu mayo ntambo wa maenze ne kinyoka.+
14 Leza wanenene amba: “Aye byaunsenswe kisanso kikatampe,* nkamukūlanga.+
Nkamukiñanga mwanda uyukile* dijina dyami.+
15 Ukangitanga, nami nkamwitaba.+
Nkekalanga nandi mu tusua.+
Nkamukūlanga ne kumutumbija.
16 Nkamwikutyijanga būmi bulampe,+Kadi nkamumweshanga bilongwa byami bya lupandilo.”*+
Kunshi kwa Dyani
^ Nansha’mba “Ukakusailanga.”
^ Nansha’mba “nsakwa.”
^ Kishima pa kishima i, “kulubwilwa kwa.”
^ Bibwanika padi i, “nsakwa; kinyemeno.”
^ Nansha’mba “ñando.”
^ Kishima pa kishima i, “byaelunga aye mwine kondi.”
^ Nansha’mba “witabije.”
^ Nansha’mba “nkamumweshanga lupandilo lutamba kondi.”
