Ñimbo ya Mitōto 90:1-17
Milombelo ya Mosesa, muntu wa Leza wa bine.+
90 A Yehova, abe wi kīkalo kyetu*+ ku nkongo yonsololo.
2 Kumeso kwa ngulu kubutulwaNansha abe kutambija* ntanda ne nshi ipa bipa,+Nyeke ne nyekeke,* abe wi Leza.+
3 Ubajokeja ku biloba muntu wa kufwa;Ubanena’mba: “Jokai, banwe bana ba bantu.”+
4 Mwanda myaka 1 000 ku meso obe i pamo’tu bwa dya kesha pa kupita,+Pamo’tu bwa kilo kimo kya bufuku.
5 Ubebatukija;+ abaikala pamo bwa tulo bitupu;Lubanga badi pamo bwa kiyombo kimena.+
6 Lubanga kyatōya maluba ne kwialuja,Ino ku kyolwa kyafumba ne kūma.+
7 Mwanda tubalotejibwa na bulobo bobe+Ne kutuyulwa na bukalabale bobe.
8 Ubatūla bilubo byetu ku meso obe;*+Bifibwe byetu i bisokolwe patōka na kitōkeji kya mpala yobe.+
9 Mafuku etu enda ajimina* pa mwanda wa bukalabale bobe;Kadi myaka yetu ifula pamo bwa mīsongwe.*
10 Bula bwa būmi bwetu i myaka 70,Nansha 80+ shi muntu i mukomo bininge;*
Ino i miyule makambakano ne bulanda;Ipitanga lubilo, kupwa ne kotwāya jimejime.+
11 I ani ubwanya kuyukidija bukomo bwa bulobo bobe?
Bukalabale bobe i bukatampe pamo bwa moyo ofwaninwe.+
12 Witufundije mwa kubadila mafuku etu+Amba twikale na mutyima wa tunangu.
13 A Yehova, joka!+ Le kino kikeja kufika ne kitatyi’ka?+
Fwila bengidi bobe lusa.+
14 Witwikutyije buswe bobe bwa ndamatyidile+ lubanga,Amba twele nsadi ya tusepo ne kusangala+ mafuku etu onso.
15 Witusangaje mwendele mafuku owetumwesha malwa,+Monka muvudile myaka yotwamona kyamalwa.+
16 Bengidi bobe bamone mwingilo obe,Babo bana nabo bamone buya bobe bwa dyangi.+
17 Katōkwe ka Yehova Leza wetu kekale potudi;Tūbulula’po* mwingilo wa makasa etu.
Bine, tūbulula* mwingilo wa makasa etu.+
Kunshi kwa Dyani
^ Bibwanika padi i, “kinyemeno kyetu.”
^ Nansha’mba “kutambija pamo bwa na bisanso.”
^ Nansha’mba “Tamba nyeke kutūla ku nyeke.”
^ Nansha’mba “Uyukile biyampe bilubo byetu”
^ Nansha’mba “Būmi bwetu bwenda bujimina.”
^ Nansha’mba “kufoma.”
^ Nansha’mba “mwanda wa bukomokomo bwa pa bula.”
^ Nansha’mba “Shimatyija’po pototo.”
^ Nansha’mba “shimatyija pototo.”
