Ñimbo ya Mitōto 89:1-52
Mashikile.* Lwimbo lwa Etana+ mwine Zela.
89 Nkembilanga nyeke bilongwa bya Yehova bya buswe bwa ndamatyidile.
Na kyakanwa kyami nkayukanyanga bubinebine bobe ku nkongo yonso.
2 Mwanda nanena’mba: “Buswe bwa ndamatyidile bukemana pototo* nyeke,+Kadi ubakomeja pototo bubinebine bobe mu madiulu.”
3 “Nasamba kipwano na mushingwe māni wami;+Natyipila Davida mwingidi wami amba:+
4 ‘Nkakomejanga pototo lutundu*+ lobe nyeke,Kadi nkashimikanga lupona lobe ku nkongo yonso.’”+ (Sela)
5 Madiulu atendelanga bya kwanwa byobe, a Yehova,Bine, bubinebine bobe mu kipwilo kya bajila bobe.
6 Mwanda, i ani mūlu udingakene na Yehova?+
I ani le mu bana ba Leza+ udi pamo bwa Yehova?
7 Leza utyinwanga mu kidye* kya bajila;+I mukatampe kadi ulenga nzuba ku bonso bamujokolokele.+
8 A Yehova Leza wa bibumbo,Le i ani nkomokomo pamo bwa abe, a Yah?+
Bubinebine bobe bukujokolokele.+
9 Ubikele pa dijiba ditūta;+Kitatyi kivula mantanki adyo, abe wiatalajanga nyā.+
10 Ubavingakanya Lehaba+ pamo bwa muntu mutapibwe.+
Na kuboko kobe kwa bukomo ubapalakanya balwana nobe.+
11 Madiulu i obe, ne ntanda mine i yobe;+Ntanda ipa bipa ne byobya biyudile’po+—i abe webilongele.
12 Kungala ne kunshi—i abe wapangile’ko;Lūlu lwa Tabola+ ne lwa Helemone+ lutendelanga dijina dyobe na nsangaji.
13 Kuboko kobe kudi na bukomokomo;+Dikasa dyobe didi na bukomo;+Dikasa dyobe dya lundyo i dizunzulwe.+
14 Boloke ne bululame i kyalwilo kya lupona lobe;+Buswe bwa ndamatyidile ne bubinebine bimene ku meso obe.+
15 Ba nsangaji i bantu bela nsadi ya tusepo.+
A Yehova, abo bendanga mu kitōkeji kya mpala yobe.
16 Basangelanga mu dijina dyobe difuku dyonso dituntulu,Kadi i bazunzulwe mu boloke bobe.
17 Mwanda abewa ye ntumbo ya bukomo bwabo,+Kadi bukomo* bwetu i buzunzulwe pa kwitabijibwa nobe.+
18 Mwanda ngabo yetu i ya Yehova,Kadi mulopwe wetu i wa Mwine Ujila wa Isalela.+
19 Mu kine kitatyi’kya wesambile na bantu bobe ba lulamato mu kimonwa’mba:
“Nape nkomokomo bukomo;+Nazunzula mutongwe mu bukata mwa bantu.+
20 Natana Davida mwingidi wami;+Namushinga māni ami ajila.+
21 Dikasa dyami dikamukwashanga,+Kadi kuboko kwami kukamukomejanga.
22 I kutupu walwana ukamulomba mulambu,Kadi i kutupu mukondame ukamumwesha malwa.+
23 Ami nkavingakanyanga balwanga nandi bipindibipindi ku meso andi+Ne kwipaya boba bamushikilwe.+
24 Bubinebine bwami ne buswe bwami bwa ndamatyidile budi nandi,+Kadi bukomo* bwandi bukazunzulwanga mu dijina dyami.
25 Nkatūla dikasa dyandi* pa dijibaNe dikasa dyandi dya lundyo pa minonga.+
26 Ukangitanga’mba: ‘Abe wi Tata wami,Leza wami kadi Dibwe dya lupandilo lwami.’+
27 Nami nkamutūla bu umbedi,+Mukatampe bininge mu balopwe ba ntanda.+
28 Nkalamanga nyeke buswe bwami bwa ndamatyidile kwadi,+Ne kipwano kyompwene nandi kekikatyibikapo nansha dimo.+
29 Nkashimatyijanga lutundu* lwandi nyekeNe kulengeja lupona lwandi lulādile pamo bwa madiulu.+
30 Shi bandi bana abaleka bijila byamiNe kwenda mwendele mbila yami* mpika,
31 Shi abajilula bijila byamiNe kulama misoñanya yami mpika,
32 Nabya nkebapa mfuto na lusonde pa mwanda wa kubulwa kikōkeji*+Ne kilubo kyabo na bikupilwa.
33 Ino nkikalekapo nansha dimo buswe bwami bwa ndamatyidile bomusenswe+Nansha kwikala wa bubela pa mulao wami.*
34 Nkikajilulapo kipwano kyami+Nansha kushinta byobya binenene milomo yami.+
35 Natyipe mu buujila bwami, dimo kupwididile;Nkikabepelapo Davida bubela.+
36 Lutundu* lwandi lukalādila nyeke;+Lupona lwandi lukalādila pamo bwa dyuba ku meso ami.+
37 Pamo bwa kweji, lukakomejibwa nyeke pototoPamo bwa kamoni wa binebine mūlu.” (Sela)
38 Ino abe mwine ubamwela ne kumupela;+Ubakalabela bya mwiko mushingwe māni obe.
39 Ubapele kipwano na mwingidi obe;Ubakobakanya kilukwa kyandi* na kwela’kyo pa nshi.
40 Ubapomona mumbu yandi* yonso ya mabwe;Ubasala nsakwa yandi.
41 Bapityeshinda bonso abamutūta;Aye i mutonko ku balondakani nandi.+
42 Ubalengeja bakinkwa nandi banekenye;*+Ubasangaja balwana nandi.
43 Ubaaluja ne kipete kyandi,Kadi ubamulengeja anekenibwe mu bulwi.
44 Ubafudija buya bwandi bwa dyangiKadi ubaela lupona lwandi pa nshi.
45 Ubaipipija mafuku a bunkasampe bwandi;Ubamuvwika bumvu. (Sela)
46 A Yehova, le ukefya kufika ne kitatyi’ka? Le i nyeke?+
Lelo bukalabale bobe bukendelela kwaka pamo bwa mudilo?
47 Vuluka mwipipile būmi bwami!+
Lelo wapangile bantu bonso bitupu’tu?
48 Lelo i muntu’ka ubwanya kwikala mūmi ne kumona lufu mpika?+
Le ubwanya kwipandija aye mwine* ku bukomo bwa Kibundu?* (Sela)
49 A Yehova, le bilongwa byobe bya kala bya buswe bwa ndamatyidile bidi kwepi,Byowatyipīle Davida mu bubinebine bobe?+
50 A Yehova, vuluka kukolomona kobakolomona bengidi bobe;Muswelo omfwaninwe kūminina* lonji lwa bano bantu bonso;
51 Muswelo utukana balwana nobe, a Yehova;Mobatukila ditabula ne ditabula dya mushingwe māni obe.
52 Yehova atendelwe nyeke. Amena ne Amena.+
Kunshi kwa Dyani
^ Tala Nshintulwilo ya Bishima.
^ Nansha’mba “bukalādila.”
^ Kishima pa kishima i, “lukunwa.”
^ Nansha’mba “kitango.”
^ Kishima pa kishima i, “lusengo.”
^ Kishima pa kishima i, “lusengo.”
^ Nansha’mba “lupusa lwandi.”
^ Kishima pa kishima i, “lukunwa.”
^ Nansha’mba “butyibi bwami.”
^ Nansha’mba “butomboki.”
^ Kishima pa kishima i, “Nansha kwikala wa bubela na bubinebine bwami.”
^ Kishima pa kishima i, “Lukunwa.”
^ Nansha’mba “nkaka wandi.”
^ Nansha’mba “ngabo yandi ya mabwe.”
^ Kishima pa kishima i, “Ubatulula dikasa dya lundyo dya bakinkwa nandi.”
^ Nansha’mba “muya wandi.”
^ Kishima pa kishima i, “kuboko kwa Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “kusela mu kyadi kyami.”
