Ñimbo ya Mitōto 88:1-18
Lwimbo lwa bana ba Kola.+ Kudi mukulu wa bañomba; mwimbilo wa Mahalate,* lwa kwimba betundaija. Mashikile* a Hemane+ mwine Zela.
88 A Yehova, Leza wa lupandilo lwami,+Naela lubila dyuba,Kadi bufuku nabo naiya ku meso obe.+
2 Milombelo yami ifike kodi,+Tá kutwi* kobe ku kulomba konomba bukwashi.+
3 Mwanda muya* wami ubayula byamalwa,+Kadi būmi bwami budi kubwipi na Kibundu.*+
4 Nabadilwa kala mu boba batūkila mu kīna;*+Kendi mufudile,*+
5 Ushele mu bafwePamo bwa batapibwe balēle mu kibundu,Bokukivulukilepo monkaKadi basonsololwe ku bulami* bobe.
6 Ubauntūla mu kīna kitabuke bulampe,Mu fukutu, mu lupongo lukatampe.
7 Bukalabale bobe bubandēmena bininge,+Kadi ubandēmeneja mantanki obe atūta. (Sela)
8 Ubapangila bayukane kulampe nami;+Ubangalamuna kendi kintu kya munyanji kobadi.
Napi mu dikinga kadi nkibwanyapo kunyema.
9 Diso dyami dibakōka mwanda wa kumweshibwa malwa.+
A Yehova, nakwite difuku dyonso dituntulu;+Nabāla makasa ami kudi abe.
10 Le ukalongela bafwe bintu bya kutendelwa?
Le boba bampikwa bukomo badi mu lufu babwanya kwimana kebakutendela?+ (Sela)
11 Le buswe bobe bwa ndamatyidile bukasapulwe mu kibundu,Bubinebine bobe mu kifuko kya bonakani?*
12 Le bintu byobe bya kutendelwa bikayukane mu fukutuNansha boloke bobe mu ntanda ya boba bobedilwe?+
13 Ino amiwa nakikulomba bukwashi, a Yehova,+Lubanga ne lubanga milombelo yami ifikanga ku meso obe.+
14 A Yehova, mwanda waka ubaungela?*+
Mwanda waka ubamfi mpala yobe?+
15 Tamba pa bwanuke bwami,Mweshibwanga malwa kadi kendi pabwipi na kufwa;+Napungila mwanda wa bintu bibibibi byowaleka binsusula.
16 Bulobo bobe budyendyemuka bubandēmenena;+Luzakalo lobe lubangipaya.
17 I lunjokoloke pamo bwa mema difuku dyonso dituntulu;Lumfwenanga mitamba yonso.*
18 Ubapangila balunda nami ne bakwetu kulampe nami;+Fukutu ibaikala ke mukwetu.
Kunshi kwa Dyani
^ Tala Nshintulwilo ya Bishima.
^ Tala Nshintulwilo ya Bishima.
^ Nansha’mba “Bandama wivwane.”
^ Tala Nshintulwilo ya Bishima.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “kibundu.”
^ Nansha’mba “pamo bwa muntu wampikwa bukomo.”
^ Kishima pa kishima i, “kuboko.”
^ Nansha’mba “mu Abadone.”
^ Nansha’mba “ubaela muya wami.”
^ Bibwanika padi i, “lonso mwa kimo.”
