Ñimbo ya Mitōto 85:1-13
Kudi mukulu wa bañomba. Lwimbo lwa bana ba Kola.+
85 A Yehova, ubatōkelwa ntanda yobe mutyima;+Ubajokeja bantu ba Yakoba baselelwe bu misungi.+
2 Ubalekela bantu bobe kilubo kyabo;Webafwidile lusa pa* bubi bwabo bonso.+ (Sela)
3 Ubakankaja bukalabale bobe bonso;Ubavundamina bulobo bobe bukatampe.+
4 Witwaluje,* a Leza wa lupandilo lwetu,Kadi fundula kwitufītyilwa kobe.+
5 Lelo uketukalabela nyeke?+
Lelo ukendeleja bulobo bobe ku nkongo ne nkongo?
6 Lelo ubulwepo kwitwikadija monka bōmiAmba bantu bobe basangele modi?+
7 Witulombole buswe bobe bwa ndamatyidile, a Yehova,+Kadi witupe lupandilo lobe.
8 Ami nkatejanga byobya bikanena Leza wa bine Yehova,Mwanda aye ukesambanga ndoe ku bantu bandi,+ ku bantu bandi ba lulamato,Ino nabo kebakijokela ku kwikulupila bipitepite.+
9 I bine lupandilo lwandi ludi kubwipi na boba bamutyina,+Amba ntumbo yandi ikale mu yetu ntanda.
10 Buswe bwa ndamatyidile ne bubinebine biketananga pamo;Boloke ne ndoe bikefifyanga.+
11 Kikōkeji kikamenanga pa ntanda,Kadi boloke bukatala munshi abo mu madiulu.+
12 Bine, Yehova ukapānanga kyokya kiyampe,*+Kadi yetu ntanda ikaleta mwangulo wayo.+
13 Boloke bukendanga ku meso andi+Ne kusebela matabula andi kashinda.
Kunshi kwa Dyani
^ Kishima pa kishima i, “Wapūtyile.”
^ Nansha’mba “Witukongakanye tujoke.”
^ Nansha’mba “bupeta.”
