Ñimbo ya Mitōto 80:1-19
Kudi mukulu wa bañomba; pa “Maluba.” Kivulujo. Lwimbo lwa Asafa.+
80 A mukumbi wa Isalela, ivwana,Abe wendejanga Yosefa pamo bwa luombe.+
Abe ushikete pa lupona peulu* pa bakelubi,+Eñenya.*
2 Ku meso a Efelaimi ne Benjemani ne Manase,Sañamuna bukomokomo bobe;+Iya witupandije.+
3 A Leza, witwaluje;+Mpala yobe yeñenye potudi, amba tupande.+
4 Yehova Leza wa bibumbo, le ukakalabala* pa mwanda wa milombelo ya bantu bobe kufika ne kitatyi’ka?+
5 Ubebadisha impolo pamo bwa mikate yabo,Kadi ubebatomeja impolo kupita ne pa kipimo.
6 Ubaleka balondakani netu betupotomeja;Balwana netu betuzawila’nka kwituzawila mobasakila.+
7 A Leza wa bibumbo, witwaluje;Mpala yobe yeñenye potudi, amba tupande.+
8 Walupwile muñanza+ mu Edipito.
Wapanga mizo kupwa weukuna.+
9 Weusebēle kifuko,Ao nao waala miji wayula ntanda’ya.+
10 Ngulu yadi mipūtwe na mwemba wao,Ne mutyi wa sedele wa Leza na misambo yao.
11 Misambo yao yafikile enka ne ku dijiba,Ne tumisambo twao nato ku Munonga.*+
12 Mwanda waka ubapomona lubumbu lwa mabwe lwa budimi bwa mañanza,+Bonso bapita kebaposola bipa byabo?+
13 Bampenge ba mwitó bebonakanya,Kadi banyema ba ntanda badya’mo.+
14 A Leza wa bibumbo, tubakwisāshila joka.
Tala panshi abe mwamo mūlu umone!
Lama uno muñanza,+
15 Kitako* kyakunine kuboko kobe kwa lundyo,+Kadi tala ne mutyi mwana mwine* owakomeje mwanda wa abe mwine.+
16 Ubatēma mudilo,+ ubatetwa.
Abafu pa kufuna kobe.*
17 Kuboko kobe kukwashe muntu udi ku kuboko kobe kwa lundyo,Mwanā muntu owakomeje mwanda wa abe mwine.+
18 Penepo ketukakusāsukapo.
Witupandije, amba twite dijina dyobe.
19 A Yehova Leza wa bibumbo, witwaluje;Mpala yobe yeñenye potudi, amba tupande.+
Kunshi kwa Dyani
^ Bibwanika padi i, “pa bukata.”
^ Nansha’mba “Sokola kukelema kobe.”
^ Kishima pa kishima i, “ukaloba.”
^ Ko kunena’mba, Ufalete.
^ Nansha’mba “Kya pa bukata kine kya muñanza.”
^ Nansha’mba “musambo mwine.”
^ Kishima pa kishima i, “kufuna kwa mpala yobe.”
