Ñimbo ya Mitōto 79:1-13
Lwimbo lwa Asafa.+
79 A Leza, mizo ibatwela mu bupyani bobe ku bukomo;+Ibasubija tempelo yobe ijila;+Ibaalamuna Yelusalema ke mulwi wa masala.+
2 Ibapāna imbidi mifwe ya bengidi bobe bu byakudya ku byoni bya mūluNe ngitu ya bantu bobe bakulamete ku banyema ba pa ntanda.+
3 Ibamwanga mashi abo pamo bwa mema kufulakufula kwa Yelusalema,Kadi i kutupu nansha umo ushele’ko wa kwibajīka.+
4 Ketudi kintu kya kutukibwa ku balondakani netu;+Boba betujokolokele betufutulula ne kwitupunika.
5 A Yehova, le ukakalabala bya mwiko kufika ne kitatyi’ka? Le i nyeke?+
Le ukafītwa mutyima pamo bwa mudilo kufika ne kitatyi’ka?+
6 Pungulwila bukalabale bobe pa mizo keikuyukilepoNe pa malopwe keetengapo dijina dyobe.+
7 Mwanda ababokota YakobaNe kusala ntanda yandi.+
8 Koketupa mfuto pa mwanda wa bilubo bya bankambo betu.+
Peja witufwile lusa,+Mwanda tubapēlulwa bininge.
9 Witukwashe’ko, a Leza wa lupandilo lwetu,+Pa mwanda wa dijina dyobe dya ntumbo;Witukūle ne kwitulekela* bubi bwetu pa mwanda wa dijina dyobe.+
10 I kika kikanenena mizo amba: “Le Leza wabo udi kwepi?”+
Kiyukane ku meso etu mu bukata mwa mizoAmba mashi a bengidi bobe obamwangile alubwidilwe kinongo.+
11 Ivwana kubinza kwa mukutwa.+
Ingidija bukomo* bobe bukatampe ulame* boba batyibilwe nsambu ya lufu.*+
12 Lubwila balondakani netu misunsa isamba-ibidi+Pa mwanda wa kukolomona kobakukolomona, abe Yehova.+
13 Penepa batwe, bantu bobe kadi luombe lwa mu madyo obe,+Tukakufwija’ko nyeke;Kadi tukasapula mitendelo yobe ku nkongo ne nkongo.+
Kunshi kwa Dyani
^ Kishima pa kishima i, “kupūta.”
^ Kishima pa kishima i, “kuboko.”
^ Bibwanika padi i, “upe bwanapabo.”
^ Kishima pa kishima i, “bana ba lufu.”
