Ñimbo ya Mitōto 76:1-12
Kudi mukulu wa bañomba; lwa kwimba pamo na byombanwa bya myonji. Lwimbo lwa Asafa.+
76 Leza i muyukane mu Yuda;+Dijina dyandi i dikatampe mu Isalela.+
2 Mwemba wandi udi mu Saleme,+Kīkalo kyandi nakyo mu Ziona.+
3 Utyumunanga’ko miketo ya mudilo ya buta bwa miketo,Ngabo ne kipete ne byabulwi.+ (Sela)
4 Abe weñenyanga tō;*Wi mukatampe kutabuka ngulu ya bikwatwa.
5 Boba ba mutyima mukankamane batūtyilwe.+
Baponēne mu tulo;Ba bulwi bonso kebakweshepo.+
6 Pa kufuna kobe, abe Leza wa Yakoba,Ne wendeja dikalo ne kabalwe bonso baponena mu tulo bukidibukidi.+
7 Abe bunka bobe ye ulenga nzuba.+
Le i ani ubwanya kukomena bulobo bobe bukatampe?+
8 Watyibile mambo tamba mūlu;+Ntanda yakwetwe moyo keikele talala+
9 Paimene Leza kufikidija butyibi,Ne kupandija betyepeje bonso ba pa ntanda.+ (Sela)
10 Mwanda bukalabale bwa muntu bukakutendelanga;+Ukeneñenya na bukalabale bwabo bushele’ko.
11 Pikai mpiko yenu kudi Yehova Leza wenu ne kwiifikidija,+Boba bonso bamujokolokele bamuletele kyabuntu kyabo na moyo.+
12 Aye ukatūkija panshi mitatulo* ya batangidiji;Uleñanga moyo ku balopwe ba pa ntanda.
