Ñimbo ya Mitōto 75:1-10
-
Leza utyibanga mambo na boloke
-
Babi bakatoma kitomeno kya Yehova (8)
-
Kudi mukulu wa bañomba. Pa lwimbo lwa “Kokamfikija ku Bonakani.” Lwimbo lwa Asafa.+
75 Tubakufwija’ko abe Leza, tubakufwija’ko;Dijina dyobe didi pabwipi,+Kadi bantu basapulanga bilongwa byobe bya kwanwa.
2 Ubanena’mba: “Ponatungile kitatyi,Ntyibanga mambo na boloke.
3 Pasungulukile ntanda ne bekadi bayo bonso,I ami waningije bikomo byayo pototo.” (Sela)
4 Nanena boba beanya’mba, “Lekai kwianya,”
Babi nabo amba, “Lekai kuzunzula bukomo* bwenu.
5 Lekai kuzunzula bukomo* bwenu peuluNansha kwisamba na kibengo.
6 Mwanda kuzunzulwa kekutambangapoKutunduka nansha kushika nansha kunshi.
7 Mwanda Leza ye Mutyibi.+
Utūkijanga yeu wazunzula yewa.+
8 Mwanda mu kuboko kwa Yehova mudi kitomeno;+Vinyu itambijanga bifulwe* kadi i misambakanye senene.
Ukeipungulula binebine,Kadi babi bonso ba pa ntanda bakeitoma, kufika ne ku nkuja.”+
9 Ino amiwa nkeisapulanga nyeke;Nkembila Leza wa Yakoba mitendelo.*
10 Mwanda wanena’mba: “Nsa kutalula bukomo* bonso bwa babi,Ino bukomo* bwa boloke bukazunzulwa.”
Kunshi kwa Dyani
^ Kishima pa kishima i, “lusengo.”
^ Kishima pa kishima i, “lusengo.”
^ Nansha’mba “bifulo, bifulu.”
^ Nansha’mba “nkamombela minjiki.”
^ Kishima pa kishima i, “masengo.”
^ Kishima pa kishima i, “masengo.”
