Ñimbo ya Mitōto 73:1-28
Lwimbo lwa Asafa.+
73 Bine, Leza i muyampe kudi Isalela, ku boba ba mutyima utōka.+
2 Ino ami, maulu ami asakile kusāsuka;Matabula ami adi kubwipi na kushetemuka.+
3 Mwanda nadi kengabila bantu ba kibengo*Ponadi mona ndoe ya babi.+
4 Mwanda kebadipo na misanshi mu lufu lwabo;Ngitu yabo i mikomo nkē.*+
5 Kebadipo na makambakano pamo bwa bantu bakwabo,+Nansha kususuka pamo bwa bantu bakwabo.+
6 O mwanda, kwizunzula i kamuyololo ka mwishingo yabo;+Lūma lwibavwele pamo bwa kivwalwa.
7 Bupeta* bwabo bubayuja meso abo;Abapite ne pa byobadi balanga mu mityima yabo bine.
8 Bapunikanga bakwabo ne kunena bintu bibibibi.+
Bazakaja byamalwa na kibengo.+
9 Besambanga wita’mba badi peulu pamo bwa diulu,Kadi ndimi yabo yendakananga pa ntanda.
10 Ebiya bantu bandi abasāsukila kobadi,Kebatome mema abo mangimangi.
11 Kebanena’mba: “Le Leza uyukile namani?+
Le bine, Mwine wa Peulu Mwine udi na buyuki?”
12 Bine, bano’ba bo babi, badi biyampe mafuku onso.+Bavudijanga’nka kuvudija bupeta bwabo.+
13 Na bubine, ne mulame mutyima wami utōka bya bitupuNe koya makasa ami mu bumpikwa mambo.+
14 Nadi nkambakanibwa difuku dyonso dituntulu;+Lubanga ne lubanga nadi mpebwa mfuto.+
15 Ino shi nanenene bino bintu,Nadi wa kudimba bantu bobe.*
16 Ponatompele kwibivwanija,Byaunkambakenye.
17 Kufika ne byonatwelele mu kipandulwe kikatampe kya Leza,Najingulula mfulo yabo.
18 Bine ubebatūla pa nshi isenena.+
Ubebaponeja mu masala abo.+
19 Yō, abasalwa mu kitulumukila!+
Yō, abafule mu kitulumukila pobafwena ku mfulo ya malwa!
20 Monka mwikadilanga kilotwa shi muntu wabūka, a Yehova,Pokabūka, ukafundula* kyelekejo kyabo.
21 Ino mutyima wami wadi usosoma,+Kadi munda mwami* naivwene misanshi mikatampe.
22 Nadi wampikwa milangwe ne ñeni;Nadi pamo bwa nyema wampikwa ñeni ku meso obe.
23 Ino pano ngidi nobe nyeke;Ubakwata kuboko kwami kwa lundyo.+
24 Uñendejanga na madingi obe,+Kadi kupwa ukankunkwija ku ntumbo.+
25 Le i ani ondi nandi mūlu?
Kadi nkyabilangapo kintu pano pa ntanda poso’nka abe.+
26 Ngitu yami ne mutyima wami bibakōka,Ino Leza i dibwe dya mutyima wami ne kipindi kyami nyeke.+
27 Bine, boba badi nyeke kulampe nobe bakoneka.
Abe ukafudija* yewa ense ukutantuka.*+
28 Ino amiwa, kufwena kudi Leza i kuyampe kondi.+
Natūla Mfumu Mwinē Lupusa Lonso Yehova bu kinyemeno kyami,Amba nsapule bilongwa byobe byonso.+
Kunshi kwa Dyani
^ Nansha’mba “betumbija.”
^ Nansha’mba “Difu dyabo i diyule māni.”
^ Kishima pa kishima i, “Māni.”
^ Kishima pa kishima i, “lukongo lwa bobe bana.”
^ Kishima pa kishima i, “ukafutulula.”
^ Kishima pa kishima i, “mu mfyo yami.”
^ Kishima pa kishima i, “ukobija.”
^ Nansha’mba “ubulwa kikōkeji.”
