Ñimbo ya Mitōto 71:1-24
71 A Yehova, nanyemena modi.
Nkyakifwijibwa bumvu nansha dimo.+
2 Mu boloke bobe mpandije ne kunkūla.
Tá kutwi kobe* kondi umpandije.+
3 Ngikadile bu nsakwa mikomo ya dibweMombwanya kutwela mafuku onso.
Leta musoñanya wa kumpandija,Mwanda abe wi kidibwe kyami ne kifuko kyami kikomejibwe.+
4 A Leza wami, nkūle ku kuboko kwa mubi,+Ne kudi wa kasusu mukondame unkwete.
5 Mwanda abewa wi lukulupilo lwami, a Mfumu Mwinē Lupusa Lonso Yehova;Nkulupile modi* tamba pa bwanuke bwami.+
6 Nkwisumbidile tamba kubutulwa kwami;I abe wauntambije munda mwa mama.+
Nkutendelanga nyeke.
7 Naikala pamo bwa kingelengele ku bantu bavule,Ino abe wi kinyemeno kyami kikomokomo.
8 Kyakanwa kyami i kiyule mitendelo yobe;+Difuku dyonso dituntulu nenanga myanda ya buya bobe bwa dyangi.
9 Kokangela mu bununu bwami;+Kokandeka shi bukomo bwami bubapu.+
10 Balwana nami banenenanga bibi,Kadi boba bakimba kuyata būmi bwami* bankutyila kitumba pamo,+
11 Kebanena’mba: “Leza wamwela.
Mulondelondei mumukwate, mwanda i kutupu wa kumupandija.”+
12 A Leza, kokekala kulampe nami.
A Leza wami, peja unkwashe.+
13 Boba balwa nami*Bafwijibwe bumvu ne koneka.+
Boba bakimba kyamalwa kyamiBapūtwe kuzobejibwa ne kufwijibwa bumvu.+
14 Ino amiwa, nkakungilanga nyeke;Nkabweja mitendelo yobe.
15 Kyakanwa kyami kikasekununa boloke bobe,+Difuku dyonso dituntulu bilongwa byobe bya lupandilo,Nansha byobimvudile bininge pa kwibiyuka.*+
16 Nkāyanga ne kwisamba bilongwa byobe bikatakata,A Mfumu Mwinē Lupusa Lonso Yehova;Nkatelanga boloke bobe, bobe bunka.
17 A Leza, waumfundije tamba ku bwanuke,+Kadi kufika ne pano nsapulanga bilongwa byobe bya kutendelwa.+
18 Nansha shi nanunupa kendi na mvwi, a Leza, kokangela.+
Ndeke nsapwile lukongo lwiya’ko bukomo bobe*Ne bukomokomo bobe ku boba bakāya’ko.+
19 A Leza, boloke bobe bufikanga pa mitenta;+Ubalonga bintu bikatakata;A Leza, i ani udi pamo bwa abe?+
20 Nansha byowaumwesha tusua tuvule ne byamalwa,+Mpumputumune monka;Ngabule munshi mwa* panshi.+
21 Vudija bukatampe bwamiKadi njokoloke unsenge.
22 Penepo nkakutendelanga na kyombanwa kya myonjiPa mwanda wa bubinebine bobe, abe Leza wami.+
Nkakwimbilanga mitendelo* na lunsense,A Mwine Ujila wa Isalela.
23 Milomo yami ikelanga nsadi ya tusepo ponkwimbila mitendelo,+Mwanda ubapandija būmi bwami.*+
24 Ludimi lwami lukesambilanga pa* boloke bobe difuku dyonso dituntulu,+Mwanda boba bakimba konakanibwa kwami bakafwijibwa bumvu ne kuzobejibwa.+
Kunshi kwa Dyani
^ Nansha’mba “Bandama wivwane.”
^ Nansha’mba “Abe wi kikulupiji kyami.”
^ Nansha’mba “bakimba muya wami.”
^ Nansha’mba “muya wami.”
^ Nansha’mba “kwibibala.”
^ Kishima pa kishima i, “kuboko kobe.”
^ Nansha’mba “mu mema malamala a.”
^ Nansha’mba “Nkakombelanga minjiki.”
^ Nansha’mba “ubanyongolola muya wami.”
^ Nansha’mba “lukalangulukilanga pa.”
