Ñimbo ya Mitōto 63:1-11
Lwimbo lwa Davida, paādi mu ntanda mutuputupu ya Yuda.+
63 A Leza, abe wi Leza wami, nkukimbanga nyeke.+
Ngidi nobe kyumwa.*+
Ami napungila* mwanda wa kukwabila biningeMu ntanda yampikwa kitalela kadi myūmu, mwampikwa mema.+
2 O mwanda nakutadila mu kifuko kijila;Namone bukomo bobe ne ntumbo yobe.+
3 Mwanda buswe bobe bwa ndamatyidile i buyampe kupita būmi,+Milomo yami ikakutumbijanga.+
4 O mwanda nkakutendelanga mu būmi bwami bonso;Nkatululanga makasa ami mu dijina dyobe.
5 Ami naikuta* kipindi kilumbuluke kadi kiyampe kutabuka,*O mwanda kyakanwa kyami kikakutendelanga na nsangaji ku milomo yami.+
6 Nkuvulukanga kitatyi kyondi pa butanda bwami;Nangulukilanga padi abe mu bilo bya bufuku.+
7 Mwanda abe wi mukwashi wami,+Kadi ngelanga nsadi ya tusepo mu mwemba wa mapapa obe.+
8 Ami nalamata* kodi;Kuboko kobe kwa lundyo kunkwatyije.+
9 Ino boba bakimba konakanya būmi bwami*Bakatūkila munshi mwa panshi.
10 Bakapānwa ku bukomo bwa kipete;Bakekala ke byakudya bya mizeu.*
11 Ino mulopwe ukasangela mudi Leza.
Muntu ense utyipa padi Aye ukasepelela,*Mwanda kyakanwa kya boba besamba bya bubela kikobijibwa talala nyā.
Kunshi kwa Dyani
^ Nansha’mba “Muya wami udi nobe kyumwa.”
^ Kishima pa kishima i, “Ngitu yami ibapungila.”
^ Nansha’mba “Muya wami ubaikuta.”
^ Kishima pa kishima i, “māni ne binune.”
^ Nansha’mba “Muya wami ubalamata.”
^ Nansha’mba “konakanya muya wami; kungipaya.”
^ Nansha’mba “mikenge.”
^ Nansha’mba “uketumbika.”
