Ñimbo ya Mitōto 61:1-8
-
Leza, kiteba kikomo ku balwana
-
“Nkekalanga mweni mu pema obe” (4)
-
Kudi mukulu wa bañomba; lwa kwimba pamo na byombanwa bya myonji. Lwimbo lwa Davida.
61 A Leza, ivwana kwabija kongabija bukwashi.
Tá mutyima ku milombelo yami.+
2 Tamba ku mfulo ya ntanda nkakwabijangaKitatyi kinyoñama* mutyima wami.+
Ñendeje pa dibwe dilampe kumpita.+
3 Mwanda abe wi kinyemeno kyami,Kiteba kikomo kinkinga ku walwana.+
4 Nkekalanga mweni mu pema obe nyeke;+Nkafyamanga mu mwemba wa mapapa obe.+ (Sela)
5 Mwanda a Leza, abe ubaivwana mpiko yami.
Ubaumpe bupyani bwa boba bakaminwe dijina dyobe.+
6 Ukabwejanga mafuku ku būmi bwa* mulopwe,+Kadi myaka yandi ikekalanga ku nkongo ne nkongo.
7 Aye ukashikatanga pa lupona* nyeke ne nyeke ku meso a Leza;+Mupe* buswe bwa ndamatyidile ne bubinebine, amba bino’bi bimulame.+
8 Ebiya nkembilanga* nyeke dijina dyobe mitendelo+Koku mfikidija mpiko yami difuku ne difuku.+
Kunshi kwa Dyani
^ Nansha’mba “kipungila.”
^ Kishima pa kishima i, “mafuku a.”
^ Nansha’mba “ukekalanga.”
^ Nansha’mba “Tuma.”
^ Nansha’mba “nkombanga minjiki.”
