Ñimbo ya Mitōto 60:1-12
Kudi mukulu wa bañomba; pa “Maluba a Kuvuluja.” Mikitame.* Lwimbo lwa Davida. Mwanda wa kufundija. Kitatyi kyaalwile na Alami-Nahalaimi ne Alami-Zoba, kupwa Yoabe wajoka, waipaya bene Edoma 12 000 mu Musanza wa Mwepo.+
60 A Leza, wetwelele; wetupalakanya.+
Wetulobele; ino pano witwitabije monka!
2 Watenkenye ntanda; weilala mitanta.
Jika bipunzu byayo, mwanda keipone.
3 Wasuswile bantu bobe.
Wetutomeje vinyu itulundukija.+
4 Abila* boba bakwakaminwe kiyukenoAmba banyeme ne kwepa buta bwa miketo. (Sela)
5 Amba baswedibwe bobe bakūlwe,Witupandije na kuboko kobe kwa lundyo kadi witulondolole.+
6 Leza wesambe mu buujila bwandi* amba:
“Nkasepelelanga, nkapānanga Shekema bu bupyani,+Kadi nkapimanga Musanza* wa Sukote.+
7 Ngileade i wami, monka mwikadile Manase,+Efelaimi i kilama-mutwe* kya mutwe wami;Yuda i mukombo wami wa buludiki.+
8 Moabu i kyoilo kyami.+
Nkela kikwabilo kyami pa Edoma.+
Nkatūta kyungwe kya bushindañani pa Fidishitia.”+
9 Le i ani ukamfikija ku kibundi kitēkelwe kasāla?*
I ani ukandudika kufika ne ku Edoma?+
10 A Leza, lelo ke abepo wetwela,Leza wetu, mwine kakitambangapo na bibumbo byetu bya mavita?+
11 Witukwashe mu tusua twetu,Mwanda kupandijibwa na bantu i kwa bitupu.+
12 Tukamonanga bukomo kudi Leza,+Nandi ukatyampanga balwana netu.+
Kunshi kwa Dyani
^ Tala Nshintulwilo ya Bishima.
^ Bibwanika padi i, “Ubaabila.”
^ Bibwanika padi i, “mu kifuko kyandi kijila.”
^ Nansha’mba “Dilungu dya Musanza.”
^ Kishima pa kishima i, “kifuko kikomejibwe.”
^ Bibwanika padi i, “kikomejibwe.”
