Ñimbo ya Mitōto 6:1-10
Kudi mukulu wa bañomba; lwa kwimba pamo na byombanwa bya myonji bileululwe pa Sheminite.* Lwimbo lwa Davida.
6 A Yehova, kokandingila na bulobo bobe,Kadi kokangolola na bukalabale bobe.+
2 Ntōkelwe mutyima,* a Yehova, mwanda ñendanga nzoza.
Ñundape, a Yehova,+ mwanda mikupa yami izakalanga.
3 Bine, ne* muvutakanibwe bininge,+A Yehova nakwipangula—le bikendelela kufika ne kitatyi’ka?+
4 A Yehova, joka, unkūle;*+Mpandije pa mwanda wa buswe bobe bwa ndamatyidile.+
5 Mwanda mu lufu kebakutelanga’mopo;*Mu Kibundu,* le i ani ukakutendela’mo?+
6 Ñendanga mpungila na kubinza kwami;+Bufuku bonso mombejanga butanda bwami na impolo;*Ndobejanga pa kulāla pami na kudila.+
7 Diso dyami dibazoza na njia yami;+Kedidi na kafi* mwanda wa boba bonso bankambija.
8 Mfundukei, banwe bonso beendeja bibi,Mwanda Yehova ukevwana diwi dya kudila kwami.+
9 Yehova ukevwana kulomba komulomba antōkelwe mutyima;+Yehova uketabija milombelo yami.
10 Balwana nami bonso bakafwijibwa bumvu ne kutuyuka;Bakajoka ne kukolelwa ponka na ponka.+
Kunshi kwa Dyani
^ Tala Nshintulwilo ya Bishima.
^ Nansha’mba “Mfwile’ko lusa.”
^ Nansha’mba “muya wami i.”
^ Nansha’mba “ukūle muya wami.”
^ Nansha’mba “kebakuvulukanga’mopo.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “ndobejanga butanda bwami.”
^ Nansha’mba “Dyendanga dinunupa.”
