Ñimbo ya Mitōto 59:1-17
Kudi mukulu wa bañomba; pa “Kokamfikija ku Bonakani.” Lwimbo lwa Davida. Mikitame.* Kitatyi kyatumine Solo bantu bakatale njibo ya Davida mwanda wa kumwipaya.+
59 A Leza wami, nkūle ku balwana nami;+Nkinge ku boba bantombokela.+
2 Nkūle ku boba balonga bibibibi,Kadi mpandije ku bantu ba lūma.*
3 Tala! Bantengele* bafyeme;+Bantu bakomokomo abauntambeIno ke mwandapo amba natomboka nansha kulonga bubi,+ a Yehova.
4 Nansha byonkyalongelepo kibi nansha kimo, baba banyema lubilo ne kwilongolola mwanda wa kuntamba.
Imana ponkwita umone.
5 Mwanda, a Yehova Leza wa bibumbo, abe wi Leza wa Isalela.+
Languka ute mizo yonso mutyima.
Kokakwatyilwa lusa ndalandala wa nshikani nansha umo.+ (Sela)
6 Bajokanga kyolwa ne kyolwa;+Babuluka* pamo bwa bambwa+ ne kujokoloka kibundi.+
7 Tala bipunguluka* mu kyakanwa kyabo;Milomo yabo idi pamo bwa bipete,+Mwanda banenanga’mba: “Le i ani wivwana?”+
8 Ino a Yehova, abe ukebasepanga;+Ukapunikanga mizo yonso.+
9 A Bukomo bwami, nkatalanga nyeke kodi;+Mwanda Leza i kinyemeno kyami kya mutyima-ntenke.*+
10 Leza mwine unombolanga buswe bwa ndamatyidile ukāya kunkwasha;+Leza ukankwasha mone kupona kwa banshikilwe.+
11 Kokibepaya, kutyina bantu bami bakavulaminwa.
Wibalumbakanye na bukomo bobe;Wibaponeje, a Yehova, ngabo yetu.+
12 Pa mwanda wa bubi bwa kyakanwa kyabo, kinenwa kya milomo yabo,Bapye mu dikinga mwanda wa mitatulo yabo,+Mwanda wa mafingo ne bongojani byobesamba.
13 Wibakube na bukalabale bobe;+Wibakube, amba batukile;Wibayukije amba Leza ubikele mu Yakoba ne ku mfulo ya ntanda.+ (Sela)
14 Bajoke kyolwa;Babuluke* pamo bwa bambwa ne kujokoloka kibundi.+
15 Balumbakane bakimba kintu kya kudya;+Kokebaleka bekute nansha kumona kifuko pa kushikata.
16 Ino amiwa, nkembilanga bukomo bobe;+Lubanga nkalombolanga na nsangaji buswe bobe bwa ndamatyidile.
Mwanda abe wi kinyemeno kyami kya mutyima-ntenke+Ne kifuko kyami kya kunyemena’mo kitatyi kya tusua.+
17 A Bukomo bwami, nkakwimbilanga mitendelo,*+Mwanda Leza i kinyemeno kyami kya mutyima-ntenke, Leza unombola buswe bwa ndamatyidile.+
Kunshi kwa Dyani
^ Tala Nshintulwilo ya Bishima.
^ Nansha’mba “ba mashi.”
^ Nansha’mba “Batengele muya wami.”
^ Nansha’mba “Baboza.”
^ Nansha’mba “bilupuka.”
^ Nansha’mba “mutenta wa mutyima-ntenke.”
^ Nansha’mba “Baboze.”
^ Nansha’mba “nkakombelanga minjiki.”
