Ñimbo ya Mitōto 57:1-11
Kudi mukulu wa bañomba; pa “Kokamfikija ku Bonakani.” Lwimbo lwa Davida. Mikitame.* Paanyemene Solo, waenda mu mutá.+
57 Ntōkelwe mutyima, a Leza, ntōkelwe mutyima,Mwanda nanyemena* modi,+Kadi nanyemena mu mwemba wa mapapa obe kufika ne bipwa makambakano.+
2 Naite Leza Mwine wa Peulu Mwine,Leza wa bine, mwine umpwila’o.
3 Ukatuma bukwashi tamba momwa mūlu ne kumpandija.+
Ukavutakanya yewa untamba. (Sela)
Leza ukatuma buswe bwandi bwa ndamatyidile ne bubinebine bwandi.+
4 Ne* mujokolokwe na bantambo;+Mfwaninwe kulāla mu bantu basaka kumbokota,Meno abo i mikobe ne miketoKadi ludimi lwabo i kipete kya bui.+
5 A Leza, uzunzulwe peulu pa madiulu;Ntumbo yobe ikale peulu pa ntanda yonso.+
6 Abate bukonde mwanda wa kupija’mo maulu ami;+Ne* monyame na tusua.+
Abakola lubao ku meso ami,Ino abaponena’mo abo bene.+ (Sela)
7 Mutyima wami ubaninge, abe Leza,+Mutyima wami ubaninge.
Nkakwimbilanga mitendelo.
8 A ntumbo yami, languka.
A kyombanwa kya myonji, languka; ne abe lunsense mwine.
Nkalangulanga kibangabanga.+
9 A Yehova, nkakutendelanga mu bukata mwa bantu;+Nkakwimbilanga mitendelo* mu bukata mwa mizo.+
10 Mwanda buswe bobe bwa ndamatyidile i bukatampe, budi peulu pamo’nka bwa madiulu,+Ne bubinebine bobe nabo, kufika’nka ne mu makumbi.
11 A Leza, uzunzulwe peulu pa madiulu;Ntumbo yobe ikale peulu pa ntanda yonso.+
Kunshi kwa Dyani
^ Tala Nshintulwilo ya Bishima.
^ Nansha’mba “muya wami ubanyemena.”
^ Nansha’mba “Muya wami i.”
^ Nansha’mba “Muya wami i.”
^ Nansha’mba “Nkakombelanga minjiki.”
