Ñimbo ya Mitōto 56:1-13
Kudi mukulu wa bañomba; pa “Nkunda Udi Talala wa Kulampe.” Lwimbo lwa Davida. Mikitame.* Pobamukwete kudi bene Fidishitia mu Ngata.+
56 A Leza, ntōkelwe mutyima, mwanda muntu wa kufwa wauntambe.*
Difuku dyonso dituntulu balwanga nami ne kumwesha malwa.
2 Banshikilwe banenanga na bulobo difuku dyonso dituntulu;Bavule bandwanga na kibengo.
3 Shi nakwatwa moyo,+ nkukulupilanga.+
4 Leza—wa kinenwa kyontendela—Leza ye onkulupile; nkikwetwepo moyo.
Le muntu* wa bitupu ukokeja kunonga kika?+
5 Difuku dyonso dituntulu bakambakanyanga tumweno twami;Mulangwe wabo i enka wa kunsanshija.+
6 Bafyamanga mwa kuntambila;Batala matabula ami onso,+Bakimba kufundula būmi bwami.*+
7 Wibele pa mwanda wa bubi bwabo.
Tūkija mizo panshi na bulobo bobe, abe Leza.+
8 Ulondanga kulumbakana kwami.+
Tūla impolo yami mu mutyibi obe wa kiseba.+
Le keilembelwepo mu mukanda obe?+
9 Balwana nami bakanyema mu difuku dyonkalomba bukwashi.+
Nkulupile kino’ki amba: Leza udi ku wami mutamba.+
10 Leza—wa kinenwa kyontendela—Yehova—wa kinenwa kyontendela—
11 Leza ye onkulupile; nkikwetwepo moyo.+
Le muntu wa bitupu ukokeja kunonga kika?+
12 Ne mukutwe na mpiko yami kodi, abe Leza;+Nkakulambulanga byamulambu bya kufwija’ko.+
13 Mwanda ubankūla* ku lufu+Kadi ubalama kulu kwami kutyina kwakakukala,+Amba ñende ku meso a Leza mu kitōkeji kya bōmi.+
Kunshi kwa Dyani
^ Tala Nshintulwilo ya Bishima.
^ Nansha’mba “waunena na bulobo.”
^ Kishima pa kishima i, “ngitu.”
^ Nansha’mba “muya wami.”
^ Nansha’mba “ubakūla muya wami.”
