Ñimbo ya Mitōto 53:1-6
Kudi mukulu wa bañomba; mwimbilo wa Mahalate.* Mashikile.* Lwimbo lwa Davida.
53 Mulembakane* unena mu mutyima wandi amba:
“Yehova kadi’kopo.”+
Bilongwa byabo bya bukondame i byoneke kadi bya munyanji;I kutupu ulonga biyampe.+
2 Ino Leza utalanga pa bana ba bantu aye momwa mūlu+Amone shi kudi muntu udi na bujinguludi, shi kudi muntu ukimba Yehova.+
3 Abo bonso abasāsuka;Abo bonso i boneke muswelo umo.
I kutupu ulonga biyampe,Nansha umo mwine.+
4 Le banonga-bibi bonso kebevwanijepo’ni?
Basasamunanga bantu bami pamo bwa abo badya mukate.
Kebabijangapo Yehova.+
5 Ino abo bakayulwa luzakalo lukatampe,Luzakalo lokebaivwene kashā,*Mwanda Leza ukapalakanya mikupa ya boba bakutamba.*
Nobe ukebafwija bumvu, mwanda Yehova webela.
6 Nanshi lupandilo lwa Isalela lutambe ku Ziona!+
Pasa kujokeja Yehova bantu bandi misungi,Yakoba asangale, Isalela asepelele.
Kunshi kwa Dyani
^ Tala Nshintulwilo ya Bishima.
^ Tala Nshintulwilo ya Bishima.
^ Nansha’mba “Wampikwa ñeni.”
^ Bibwanika padi i, “Moyo popa kepadipo kintu kilenga moyo.”
^ Kishima pa kishima i, “bakutūdila nkambi.”
