Ñimbo ya Mitōto 49:1-20
Kudi mukulu wa bañomba. Lwimbo lwa bana ba Kola.+
49 Ivwanai kino, banwe bantu bonso.
Tai mutyima, banwe bekadi bonso ba ntanda,*
2 Ne batyetye ne bakatampe,*Bampeta ne balanda bene kumo.
3 Kyakanwa kyami kikesamba tunangu,Kulanguluka kwa mutyima+ wami kukalombola ñeni.
4 Nkatanga mutyima ku lukindi lumo;Nkashintulula lutyonko lwami na lunsense.
5 I kika kyontyinina mu bitatyi bya makambakano,+Kitatyi kyonjokolokwa na bibi* bya boba bakimba kunshinda?
6 Boba bakulupile bupeta bwabo+Ne kwianinya bupeta bwabo bukatampe,+
7 I kutupu nansha umo umbukata mwabo ubwanya kukūla mwanaboNansha kupa Leza kinkūlwa pa mwanda wandi,+
8 (Lupoto lwa kinkūlwa* kya būmi bwabo* i lulēme mpataKebabwanyapo kufikila’po nansha dimo);
9 Amba ekale mūmi nyeke ne kumona kīna* mpika.+
10 Aye umonanga’mba enka ne bantu ba tunangu bene bafwanga;Babivila ne bampikwa ñeni bonekanga pamo,+Kadi bashilanga bakwabo bupeta bwabo.+
11 Byobasaka munda mwabo i mobo abo alādile nyeke,Mapema abo ku nkongo ne nkongo.
Abainika matanda abo majina abo.
12 Ino muntu, nansha shi i mulēmekibwe, kakekala’kopo nyeke;+Kapityilepo banyema bafwanga.+
13 Dino’di dyo dishinda dya babivila+Ne dya boba bebalonda, basangela binenwa byabo bya bitupu. (Sela)
14 Abo i batumwe ku Kibundu* pamo bwa mikōko.
Lufu lukebakumba;Boloke swā bakebabikala+ lubanga.
Kikoka kyabo kyonso kikajimankana;+Kibundu*+ kikekala ke kīkalo kyabo pa kyaba kya njibo mikatakata.+
15 Ino Leza ukankūlanga* ku bukomo* bwa Kibundu,*+Mwanda aye ukankwatanga. (Sela)
16 Kokakwatwa moyo mwanda wa muntu wapeta,Mwanda wa buya bwa dyangi bwa njibo yandi bwelundila’ko,
17 Mwanda shi wafu kabwanyapo kusela kintu nansha kimo;+Buya bwandi bwa dyangi kebukatūkapo nandi pamo.+
18 Mwanda pakidi mūmi witendelanga aye mwine.*+
(Bantu bakutendelanga shi ubamone biyampe.)+
19 Ino ku mfulo welunga ku lukongo lwa bakulutuba bandi.
Kebakamonepo monka kitōkeji nansha dimo.
20 Yewa muntu kevwanijepo kino’ki, nansha shi i mulēmekibwe,+Kapityilepo banyema bafwanga.
Kunshi kwa Dyani
^ Nansha’mba “ngikadilo ya bintu.”
^ Kishima pa kishima i, “bana ba muzo wa muntu ne bana ba muntu bene.”
^ Kishima pa kishima i, “kilubo.”
^ Nansha’mba “kunyongololwa.”
^ Nansha’mba “muya wabo.”
^ Nansha’mba “kibundu.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “ukakūlanga muya wami.”
^ Kishima pa kishima i, “kuboko.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Nansha’mba “muya wandi.”
