Ñimbo ya Mitōto 48:1-14
Lwimbo lwa bana ba Kola.+
48 Yehova i mukatampe kadi i mufwaninwe bininge kutendelwaMu kibundi kya Leza wetu, mu lūlu lwandi lujila.
2 Luyampe mu bula bwalo, nsangaji ya ntanda yonso,+I lūlu lwa Ziona ludi kulampe dya kungala,Kibundi kya Mulopwe Mukatakata.+
3 Mu biteba byakyo bikomejibwe,Leza weyukanya’mba aye i kinyemeno kya mutyima-ntenke.*+
4 Mwanda tala! balopwe abebunge;*Kebenda kumeso pamo.
5 Abo pa kwikimona, kebāna.
Basela mutyima kūlu kebanyema na luzakalo.
6 Luzakalo lwebakwete kwine’kwa,Bisanso pamo bwa bya mwana-mukaji ubutula.
7 Abe onakanyanga byombo bya Talashishi na kivula kya kutunduka.
8 Byobya byotwaivwene, tubemwena’byo batwe beneMu kibundi kya Yehova wa bibumbo, mu kibundi kya Leza wetu.
Leza ukekikomeja nyeke pototo.+ (Sela)
9 Tulañanga bininge buswe bobe bwa ndamatyidile, abe Leza,+Mu tempelo yobe.
10 A Leza, pamo bwa dijina dyobe, mitendelo yobeIfikanga ne ku mafulo a ntanda.+
Kuboko kobe kwa lundyo i kuyule boloke.+
11 Lūlu lwa Ziona+ lusangale,Bibundi* bya Yuda bisepelele, pa mwanda wa butyibi bobe.+
12 Nangakanai pa Ziona, mujokolokei;Balai biteba byandi.+
13 Tai mityima yenu pa mabunda andi.*+
Bandaulai biteba byandi bikomejibwe,Amba mubangile nkongo ikāya’ko myanda yandi.
14 Mwanda uno Leza i Leza wetu+ nyeke ne nyekeke.
Aye uketwendeja nyeke ne nyeke.*+
Kunshi kwa Dyani
^ Nansha’mba “mutenta wa mutyima-ntenke.”
^ Nansha’mba “abetana ku kilaeno.”
^ Kishima pa kishima i, “Bana bana-bakaji.”
^ Nansha’mba “mumbu yandi mikomejibwe.”
^ Bibwanika padi i, “ne byotufwa.”
