Ñimbo ya Mitōto 46:1-11
Kudi mukulu wa bañomba. Lwimbo lwa bana ba Kola.+ Mwendele mwimbilo wa Alamote.*
46 Leza i kinyemeno kyetu ne bukomo bwetu,+Bukwashi bupēla kusokola mu bitatyi bya tusua.+
2 O mwanda ketukatyinapo, nansha shi ntanda ibaalamuka,Nansha shi ngulu ibaponena mu mushike wa dijiba,+
3 Nansha shi mema adyo atūta ne kutambija bifulwe,*+Nansha shi ngulu itenkane pa mwanda wa kujina kwadyo. (Sela)
4 Kudi munonga udi na tunonga tusangaja kibundi kya Leza,+Kipema kikatampe kijila kya Mwine wa Peulu Mwine.
5 Leza udi mu kibundi;+ kekibwanyapo kufulamikwa.
Leza ukāya kwikikwasha ku lubanga.+
6 Mizo yadi itūta byungwe, malopwe nao afulamikwa;Watulula diwi dyandi, ntanda nayo yasunguluka.+
7 Yehova wa bibumbo udi netu;+Leza wa Yakoba i kinyemeno kyetu kya mutyima-ntenke.* (Sela)
8 Iyai mwimwene mingilo ya Yehova,Mwalongele bintu bitulumukwa pano pa ntanda.
9 Wafudija mavita konsokonso pano pa ntanda.+
Utyumunanga buta bwa miketo ne kuvingakanya mukobe;Usōkanga makalo* a basola mu mudilo.
10 “Kōkelai kadi yukai amba amiwa ne Leza.
Nkazunzulwanga mu bukata mwa mizo;+Nkazunzulwanga pa ntanda.”+
11 Yehova wa bibumbo udi netu;+Leza wa Yakoba i kinyemeno kyetu kya mutyima-ntenke.+ (Sela)
Kunshi kwa Dyani
^ Tala Nshintulwilo ya Bishima.
^ Nansha’mba “bifulo, bifulu.”
^ Nansha’mba “mutenta wa mutyima-ntenke.”
^ Bibwanika padi i, “ngabo.”
