Ñimbo ya Mitōto 45:1-17
Kudi mukulu wa bañomba; pa “Maluba.” Lwimbo lwa bana ba Kola.+ Mashikile.* Lwimbo lwa buswe.
45 Mutyima wami usangele mwanda wa kintu kiyampe.
Nanena’mba: “Lwimbo lwami i* lwa mulopwe.”+
Ludimi lwami lwikale bu ka kulemba nako*+ ka mutentudi* wa bwino.+
2 Wi muyampe kutabuka bana ba bantu.
Binenwa bilumbuluke bipungulukanga ku milomo yobe.+
O mwanda Leza wakwesela nyeke.+
3 Wisomeke kipete+ kyobe mu munda, abe mukomokomo,+Mu bulēme bobe ne buya bobe bwa dyangi.+
4 Kadi mu buya bobe bwa dyangi endelela ne ku bushindañani;*+Tentama pa kabalwe kobe pa mwanda wa bubine ne kwityepeja ne boloke,+Kadi kuboko kobe kwa lundyo kukalonga* bintu bilenga nzuba.
5 Miketo yobe idi na bui, iponeja bantu ku meso obe;+Isabanga mityima ya balwana na mulopwe.+
6 Leza i lupona lobe nyeke ne nyekeke;+Nkonto wa bulopwe bobe i nkonto wa boloke.+
7 Abe wasenswe boloke,+ ino washikwa bibi.+
O mwanda mwine Leza, Leza obe, wakushinga māni+ a kusepelela+ kupita bakwenu.
8 Bivwalwa byobe binunka mpakwa ne mutyi wa aloé ne wa kasia;Mu njibo mikatakata ya meno a nzovu, muvumanga byombanwa bya myonji bikusangaja.
9 Bana bana-bakaji ba balopwe badi mu bana-bakaji bobe ba bulēme.
Mukaja mulopwe waimana ku kuboko kobe kwa lundyo, muneñenibwe na olo ne Ofila.+
10 Ivwana, a mwana mwana-mukaji, tá mutyima kadi tebeka kutwi kobe;Ilwa bantu bobe ne njibo ya shobe.
11 Kadi mulopwe ukabilanga bininge buya bobe,Mwanda aye i mfumobe,Nanshi wivukwile kwadi.
12 Mwanā Tyila mwana-mukaji ukāya na kyabuntu;Mpeta mukatampe kupita bantu bonso ukefukwija kodi.*
13 Munda mwa njibo mikatakata,* mwanā mulopwe mwana-mukaji i muyampe’mo kutabuka;Bisandi byandi i bineñenye na* olo.
14 Ukaletwa kudi mulopwe uvwele bivwalwa bisuke biyampe.*
Balunda nandi bajike bamulonda abatwejibwa ku meso obe.
15 Bakaletwa na nsangaji ne kusepelela;Bakatwela mu njibo mikatakata ya mulopwe.
16 Bobe bana bakapingakena pa bakulutuba bobe.
Abe ukebatūla bu bamfumu mu ntanda yonso.+
17 Nkayukanya dijina dyobe ku nkongo yonsololo ikāya’ko.+
O mwanda bantu bakakutendela nyeke ne nyekeke.
Kunshi kwa Dyani
^ Tala Nshintulwilo ya Bishima.
^ Kishima pa kishima i, “Mingilo yami i.”
^ Nansha’mba “kalembo.”
^ Nansha’mba “musonekeji.”
^ Nansha’mba “ku kunekenya.”
^ Kishima pa kishima i, “kukakufundija.”
^ Nansha’mba “ukanekenya mpala yobe.”
^ Kishima pa kishima i, “Munda.”
^ Kishima pa kishima i, “tubikwa’mo twa.”
^ Bibwanika padi i, “minkukumba mitungulwe.”
