Ñimbo ya Mitōto 42:1-11
Kudi mukulu wa bañomba. Mashikile* a bana ba Kola.+
42 Pamo bwa kasha kabila bininge tuminonga twa mema,Ami nami nkwabilanga bininge,* abe Leza.
2 Ngidi na kyumwa* kya Leza, kya Leza mūmi.+
Le nkāya kumweka ku meso a Leza kitatyi’ka?+
3 Impolo yami byo byakudya byami dyuba ne bufuku;Bantu bankolomonanga dyuba dyonso amba: “Lelo Leza obe udi kwepi?”+
4 Mvulukanga bino bintu, kadi mpungululanga muya* wami,Mwanda kyaba kimo nadi ñenda na kibumbo;Nadi ñenda nsumininwe* ku meso abo ku njibo ya Leza,Na mawi a nsangaji ne kufwija’ko,Mawi a kibumbo kisoba masobo.+
5 Mwanda waka ne* mutyumukwe mutyima?+
Mwanda waka lupotopoto ludi munda mwami?
Tengela Leza,+Mwanda nkamutendelanga bu wami Umpandiji Mukatakata.+
6 A Leza wami, ne* mutyumukwe mutyima.+
O mwanda mwine nakuvuluka,+Tamba ku ntanda ya Yodano ne pa nsongo ya Helemone,
Tamba ku Lūlu lwa Miza.*
7 Nkulwe ya mema itanga nkulwe ya memaPa kuvuma kwa mpulumuko ya mema obe.
Mantanki obe onso makomokomo abandēmenena.+
8 Yehova ukampa buswe bwandi bwa ndamatyidile dyuba,Kadi bufuku lwimbo lwandi lukekala nami—milombelo kudi Leza wa būmi bwami.+
9 Nkanena Leza, kidibwe kyami amba:
“Mwanda waka ubaungilwa?+
Mwanda waka ñendakana bya bulanda pa mwanda wa malwa amwesha walwana nami?”+
10 Balwana nami bankolomonanga na nshikani ya butapani;*Bankolomonanga dyuba dyonso amba: “Lelo Leza obe udi kwepi?”+
11 Mwanda waka ne* mutyumukwe mutyima?
Mwanda waka lupotopoto ludi munda mwami?
Tengela Leza,+Mwanda nkamutendelanga bu wami Umpandiji Mukatakata ne Leza wami.+
Kunshi kwa Dyani
^ Tala Nshintulwilo ya Bishima.
^ Nansha’mba “Muya wami ukwabilanga bininge.”
^ Nansha’mba “Muya wami udi na kyumwa.”
^ Tala Nshintulwilo ya Bishima.
^ Nansha’mba “bityebitye.”
^ Nansha’mba “muya wami i.”
^ Nansha’mba “muya wami i.”
^ Nansha’mba “kalūlu.”
^ Bibwanika padi i, “na abo bavingakanya mikupa yami.”
^ Nansha’mba “muya wami i.”
