Ñimbo ya Mitōto 40:1-17
Kudi mukulu wa bañomba. Lwimbo lwa Davida.
40 Nadi nkulupile bya binebine mudi* Yehova,Nandi watele kutwi kwandi* kondi waivwana ponadi ngabija bukwashi.+
2 Waungabwile mu kīna kibuluma,Mu bitoto bilembuka.
Kadi watūdile kulu kwami pa kidibwe;Washimatyija pototo kulu kwami.
3 Penepo watūla lwimbo lupya mu kyakanwa kyami,+Mitendelo ya Leza wetu.
Bavule bakatala’ko na nzubaNe kukulupila mudi Yehova.
4 Wa nsangaji i muntu ukulupile mudi YehovaKadi katalangapo bantomboki nansha boba ba bubela.*
5 Bine, i bintu bingi byolongele,A Yehova Leza wami,Mingilo yobe ya kutendelwa ne milangwe yobe kotudi.+
I kutupu nansha umo udingakene nobe;+Shi nasakile kwiisapula ne kwisamba’yo,
Yadi ya kumvudila pa kubanga’yo!+
6 Kitapwa ne kyamulambu kwasakile’byopo,*+Ino abe washitwile matwi ami amba evwane.+
Kwalombelepo byamulambu bisōkwe ne byamulambu bya bubi.+
7 Penepo nanena’mba: “Tala, naiya.
Mu muvungo* i kinembelwe.+
8 A Leza wami, ndoelelwe* kulonga kiswa-mutyima kyobe,+Kadi bijila byobe bidi munda mwami.+
9 Nsapulanga myanda miyampe ya boloke mu kipwilo kikatampe.+
Tala! Nkimuminepo milomo yami,+A Yehova, monka moyukile’kyo biyampe.
10 Nkipūtyilepo boloke bobe mu mutyima wami.
Nsapulanga bubinebine bobe ne lupandilo lobe.
Nkifīlepo buswe bobe bwa ndamatyidile ne bubine bobe mu kipwilo kikatampe.”+
11 A Yehova, kokansuminwa lusa lobe.
Buswe bobe bwa ndamatyidile ne bubine bobe bindame nyeke.+
12 Byamalwa binjokolokele i bipite bungi pa kwibibala.+
Bilubo byami bingi bibandēmenena kenkomenwa kumona dishinda dyami;+I bingi kutabuka ne nywene ya ku mutwe wami,Kadi mutyima ubanyoñama.
13 A Yehova, shi uswile mpandije.+
A Yehova, peja unkwashe.+
14 Boba bonso bakimba kuyata būmi bwami*Bafwijibwe bumvu ne kuzobejibwa.
Boba basangela kyamalwa kyamiBekoke ne kupēlulwa.
15 Boba banena ami amba: “Ha! Ha!”
Batulumuke pa mwanda wa bumvu bwabo.
16 Ino boba bakukimba+Basepelele ne kusangela modi.+
Boba basenswe bilongwa byobe bya lupandilo banene nyeke amba:
“Yehova atumbijibwe ntumbo.”+
17 Ino ami ne mufudile kadi mulanda;Yehova ante mutyima.
Abe wi mukwashi wami ne mukūdi wami;+A Leza wami, kokeja.+
Kunshi kwa Dyani
^ Nansha’mba “ntengele na kitūkijetyima.”
^ Nansha’mba “wabandamine kwivwana.”
^ Nansha’mba “bambepai.”
^ Nansha’mba “kwaloedilwe’byopo.”
^ Kishima pa kishima i, “muvungo wa mukanda.”
^ Nansha’mba “nsakanga.”
^ Nansha’mba “muya wami.”
