Ñimbo ya Mitōto 36:1-12
Kudi mukulu wa bañomba. Lwimbo lwa Davida mwingidi wa Yehova.
36 Kujilula kwisambanga kudi mubi mu nkulwe ya mutyima wandi;Ku meso andi kekudipo moyo wa kutyina Leza.+
2 Mwanda wishiñanyanga bininge mu meso andiPa kujingulula kilubo kyandi ne kwikishikwa.+
3 Binenwa bya kyakanwa kyandi i bibi kadi bya kyongo;Kadipo na bujinguludi bwa kulonga biyampe.
4 Ukutanga nkuku mibi enka ne pa butanda bwandi.
I mutūlwe mu kashinda kabi;Kapelangapo bibi.
5 A Yehova, buswe bobe bwa ndamatyidile bufikanga ne mūlu,+Bubinebine bobe nabo mu makumbi.
6 Boloke bobe budi pamo bwa ngulu mikatakata;*+Butyibi bobe budi pamo bwa mema mangi, a mushike.+
A Yehova, abe ulamanga* muntu ne nyema mwine.+
7 Bine, buswe bobe bwa ndamatyidile i bulēme, abe Leza!+
Mwemba wa mapapa obe, o unyemenanga’mo bana ba bantu.+
8 Batomanga mu bungibungi* bwa bupeta bwa njibo yobe,+Kadi ubebatomeja mu kamunonga ka kuloelelwa kobe.+
9 Nsulo ya būmi idi kodi;+Na kitōkeji kyobe tubwanya kumona kitōkeji.+
10 Lombola nyeke buswe bobe bwa ndamatyidile ku boba bakuyukile,+Ne boloke bobe, ku ba mutyima moloke swā.+
11 Kokileka lwayo lwa wizunzula luntyampeNansha kuboko kwa babi kumpange.
12 Kwine’kwa ko kuponena banonga-bibi;Abashindwe panshi kadi kebabwanyapo kulanguka.+
Kunshi kwa Dyani
^ Kishima pa kishima i, “pamo bwa ngulu ya Leza.”
^ Nansha’mba “upandijanga.”
^ Kishima pa kishima i, “māni.”
