Ñimbo ya Mitōto 35:1-28
Lwimbo lwa Davida.
35 A Yehova, nenene mu mambo ondi na bakinkwa nami;+Lwá na boba balwa nami.+
2 Tekuna ngabo yobe mityetye* ne ngabo mikatampe,+Imana unenene.+
3 Tulula mukobe obe ne kasolwa ka bulwi* ulwe na boba banondalonda.+
Nombole amba: “Ami ne lupandilo lobe.”+
4 Boba bapoya būmi bwami* bafwijibwe bumvu ne kupēlulwa.+
Boba bakuta kitumba kya kungipaya bekoke ne kuzobejibwa.
5 Bekale pamo bwa mfumba mu kivula;Mwikeulu wa Yehova ebapange.+
6 Kashinda kabo kekale fututu kadi kasenenaPebalondalonda mwikeulu wa Yehova.
7 Mwanda abaumfi bukonde pampikwa mwanda amba mpye’mo;Abankolela lubao pampikwa mwanda.
8 Kimpengele kimuponene mu kitulumukila;Bukonde bwafīle bumukwate;Aponene’mo ne konakanibwa.+
9 Ino amiwa* nkasangalanga mudi Yehova;Nkasepelelanga mu bilongwa byandi bya lupandilo.
10 Mikupa yami yonso ikanena’mba:
“A Yehova, le i ani udi pamo bwa abe?
Ubapandija mufudile ku boba bamutabukile bukomo,+Wampikwa mukwashi ne mulanda ku boba bebanyoñomona bintu.”+
11 Batumoni ba nshikani abafwena,+Kebangipangula bintu byonkiyukilepo.
12 Abandubwila kibi ku kiyampe,+Bankwatyija bulanda bwa ami* mufwilwe.
13 Ino pobadi babela, nadi mvwala masāka;Ami* nadi ngikele bya bulanda nshikilwa na nzala,Kadi padi pajoka milombelo yami kulondololwa mpika,*
14 Nadi nangakana ndila na ami udila mulunda nami nansha mwanetu;Nadi nevukwila panshi bya bulanda, pamo bwa muntu udila inandi.
15 Ino ponakukele, basangele ne kwibunga pamo;Bebungile pamo kunshinda panshi mu kitulumukila;Baunsasamuna bipindibipindi ne kuba talala mpika.
16 Bampikwa bwine Leza baunzawila bya kibengo,*Baunshenkenyenya meno.+
17 A Yehova, le ukatala bitupu kufika ne kitatyi’ka?+
Nkūle* ku bulwi bwabo,+Kūla būmi bwami bulēme* ku bantambo bana.*+
18 Nabya nkakufwijanga’ko mu kipwilo kikatampe;+Nkakutendelanga mu bibumbo bikatakata bya bantu.
19 Kokaleka boba balwana nami pampikwa mwanda basangele tusua twami;Kokaleka boba banshikilwe pampikwa mwanda+ befīke meso bya nshikani.+
20 Mwanda kebesambengapo binenwa bya ndoe,Ino bakutyilanga bantu ba ndoe ba pa ntanda nkuku na bongojani.+
21 Abaasama kyakanwa kyabo bininge kunsambila,Kebanena’mba: “Ha! Ha! Meso etu abemwena’kyo.”
22 A Yehova, ubemwena’kyo. Kokekala talala.+
A Yehova, kokekala kulampe nami.+
23 Būka kadi imana unenene,A Yehova Leza wami, nenene mu kisambo kyami.
24 Ntyibile mambo mwendele boloke bobe,+ a Yehova Leza wami;Kokebaleka basangele tusua twami.
25 Kebakanena nansha dimo abo bene na bene amba: “Ha! Tubamone kyotwadi tusaka.”*
Kebakanena nansha dimo amba: “Tubamumina kubyu.”+
26 Abo bonso bafwijibwe bumvu ne kuzobejibwa,Boba basangela kyamalwa kyami.
Boba bezunzwila pondi bavwikwe bumvu ne kupēlulwa.
27 Ino boba basangela boloke bwami bele nsadi ya tusepo;Banene nyeke amba:
“Yehova atumbijibwe ntumbo, aye usangelanga ndoe ya mwingidi wandi.”+
28 Ebiya ludimi lwami lukasekununa* boloke bobe+Ne kukutendela difuku dyonso dituntulu.+
Kunshi kwa Dyani
^ Ngabo mityetye, ivudile kuselwa na bedi ba miketo.
^ Nansha’mba “kasolwa ka bui kubidi.”
^ Nansha’mba “muya wami.”
^ Nansha’mba “muya wami.”
^ Nansha’mba “muya wami.”
^ Nansha’mba “poyadi ijokela mu kyadi kyami.”
^ Nansha’mba “Muya wami.”
^ Bibwanika padi i, “Bampikwa bwine Leza bazaula pa mwanda wa mukate.”
^ Nansha’mba “Kūla muya wami.”
^ Kishima pa kishima i, “wami umo kete,” kifunkila pa muya wandi, nansha būmi.
^ Nansha’mba “bantambo bana ba manyenze.”
^ Nansha’mba “Ha! Myuya yetu.”
^ Nansha’mba “lukalangulukila pa.”
