Ñimbo ya Mitōto 31:1-24
Kudi mukulu wa bañomba. Lwimbo lwa Davida.
31 A Yehova, nanyemena modi.+
Nkyakifwijibwa bumvu nansha dimo.+
Nkūle mwanda wa boloke bobe.+
2 Tá kutwi kobe* kondi.
Iya bukidi unkūle.+
Ikala bu kifuko kyami kikomejibwe kya pa lūlu,Kifuko kikomejibwe kya kumpandija.+
3 Mwanda abe wi kidibwe kyami ne kifuko kyami kikomejibwe;+Pa mwanda wa dijina dyobe,+ ukañendejanga ne kundudika.+
4 Ukanyongolola ku bukonde bobantele mu bufyafya,+Mwanda abe wi nsakwa yami mikomo.+
5 Nakupe mushipiditu wami mu dikasa dyobe.+
Ubaunyongolola, abe Yehova Leza wa bubine.*+
6 Nshikilwe boba bepāna ku bilezaleza byampikwa mvubu ne bya bituputupu,Ino amiwa, nkulupile mudi Yehova.
7 Nkasangelanga bininge mu buswe bobe bwa ndamatyidile,Mwanda ubamone byamalwa byami;+Uyukile tusua twami* tukatampe.
8 Kumpēnepo mu kuboko kwa walwana,Ino ubañimika mu kifuko kilamwe senene.*
9 A Yehova, ntōkelwe mutyima, mwanda ngidi mu tusua.
Malwa abakōkeja meso ami,+ ne umbidi wami onso mwine.*+
10 Būmi bwami bubadibwa na njia+Myaka yami nayo na imbinzo.+
Bukomo bwami bwenda butyepa mwanda wa kilubo kyami;Mikupa yami yenda izoza.+
11 Meñwanga na bakinkwa nami bonso,+Nakampata balondakani nami.
Kadi nzakajibwanga na bayukane;Shi baumona pa bantu, kebanyema.+
12 Natalulwa mu mutyima wabo* ne kuvulaminibwa, pamo bwa ami mufwe;Kendi pamo bwa mulondo muladike.
13 Napupula myanda mibi mivule;Luzakalo lubaunjokoloka.+
Pobebunga pamo bwa muntu umo kulwa nami,Bakutanga nkuku ya kufundula būmi bwami.*+
14 Ino ami nkulupile modi, abe Yehova.+
Nanena’mba: “Abe wi Leza wami.”+
15 Mafuku* ami adi mu dikasa dyobe.
Nkūle ku kuboko kwa balwana nami ne ku boba bampangapanga.+
16 Eñenya mpala yobe padi mwingidi obe.+
Mpandije pa buswe bobe bwa ndamatyidile.
17 A Yehova, nkyakifwijibwa bumvu ponkwita.+
Babi bafwijibwe bumvu;+Bobijibwe talala nyā mu Kibundu.*+
18 Milomo ibepa bubela ileke kunena,+Milomo īsambila moloke bya kibengo, na kwizunzula ne kafutululo.
19 Bine, buyampe bobe i bwa ntanda ne ntanda!+
Ubikīle’bo boba bakwakaminwe,+Kadi ulombolanga’bo ku meso a bantu bonso, mwanda wa boba banyemena modi.+
20 Ukebafyanga pafīta ku meso obe+Ku nkuku ikuta bantu;Ukebafya mu mwemba obeKu bulwi bwa nshikani.*+
21 Yehova atendelwe,Mwanda mu muswelo wa kutendelwa, wanombola buswe bwandi bwa ndamatyidile+ mu kibundi kitēkelwe kasāla.+
22 Ino amiwa, nazakele kenena’mba:
“Nsa kufwa ku meso obe.”+
Ino abe waivwene milombelo yonadi nomba bukwashi kitatyi kyonakwabije.+
23 Sanswai Yehova, banwe bonso bamulamete!+
Yehova ulamanga bakōkele,+Ino ulubwilanga bininge yewa ense ulombola kwizunzula.+
24 Kankamanai, ne mutyima wenu wikale mukomo,+Banwe bonso batengēle Yehova.+
Kunshi kwa Dyani
^ Nansha’mba “Bandama wivwane.”
^ Nansha’mba “Leza wa binebine.”
^ Nansha’mba “tusua twa muya wami.”
^ Nansha’mba “kifuko kikatampe.”
^ Nansha’mba “muya wami ne difu dyami.”
^ Nansha’mba “ñeni yabo.”
^ Nansha’mba “muya wami.”
^ Kishima pa kishima i, “Bitatyi.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “Ku lupotopoto lwa ndimi.”
