Ñimbo ya Mitōto 3:1-8
Lwimbo lwa Davida kitatyi kyaadi unyema wandi mwana Abisalome.+
3 A Yehova, mwanda waka balwana nami abavula bininge?+
Mwanda waka bantu bavule bininge bataluka kulwa nami?+
2 Bantu bavule banenanga myanda yami* amba:
“Leza kakamupandijapo.”+ (Sela)*
3 Ino, a Yehova, abe wi ngabo injokolokele,+Ntumbo yami+ ne Mwine utulula mutwe wami.+
4 Nkelanga lubila kudi Yehova,Nandi ukangitabanga mu lūlu lwandi lujila.+ (Sela)
5 Nkasendalala ne kulāla;Kadi nkabūka ne mutyima-ntenke,Mwanda Yehova unkwashanga nyeke.+
6 Nkikwetwepo moyo makumi a tununu twa bantuBetungile mulongo kulwa nami mitamba yonso.+
7 A Yehova, imana! Mpandije,+ a Leza wami!
Mwanda abe ukakupila balwana nami ku kibanga;Ukatyumuna meno a babi.+
8 Lupandilo i lwa Yehova.+
Dyese dyobe didi pa bantu bobe. (Sela)
