Ñimbo ya Mitōto 28:1-9
-
Milombelo ya mulembi wa Mitōto ibaivwanwa
-
‘Yehova, bukomo bwami ne ngabo yami’ (7)
-
Lwimbo lwa Davida.
28 A Yehova Dibwe+ dyami, i abe ongita;Kokanjika kitwi.
Shi ungube talala,Nkekala pamo bwa boba batūkila mu kīna.*+
2 Ivwana milombelo yami yonkwabija unkwashePontulula maboko ami dya ku kyumba kya munda bininge kya kipandulwe kyobe.+
3 Kokantalula pamo na babi, na boba balongalonga bibi,+Boba besamba binenwa bya ndoe na bakwabo abo’ko na bibi mu mityima yabo.+
4 Wibalubwile pa mwanda wa bilongwa byabo,+Mwendele bibi byobalongalonga.
Wibajokejeje pa mwanda wa mingilo ya makasa abo,Mwendele byobya byobalonga.+
5 Mwanda kebatelepo mutyima ku mingilo ya Yehova,+Nansha ku mingilo ya makasa andi.+
Ukebatūta, kakebōbakapo.
6 Yehova atendelwe,Mwanda waivwana milombelo yonomba bukwashi.
7 Yehova i bukomo+ bwami ne ngabo+ yami;Mutyima wami ukulupile+ mwadi.
Natambula bukwashi bwandi, kadi mutyima wami ubasangala,O mwanda nkamutendelanga na lwimbo lwami.
8 Yehova i bukomo bwa bantu bandi;I kifuko kikomejibwe, uletelanga mushingwe māni wandi lupandilo lukatakata.+
9 Pandija bantu bobe, kadi esela bupyani bobe.+
Wibakumbe ne kwibasela mu maboko obe nyeke.+
Kunshi kwa Dyani
^ Nansha’mba “kibundu.”
