Ñimbo ya Mitōto 27:1-14
Lwimbo lwa Davida.
27 Yehova i kitōkeji+ kyami ne lupandilo lwami.
Le onkatyina i ani?+
Yehova i kifuko kikomejibwe kya būmi bwami.+
Le onkakwatwa moyo i ani?
2 Bantu babi pobantambile kusasamuna mwita wami,+Bakinkwa nami ne balwana nami bo bakukele bapona.
3 Nansha kibumbo kya divita kinjokoloke,Mutyima wami keukatyinapo.+
Nansha ntambwe divita,Enka ne papo pene nkekalanga na kikulupiji.
4 Kintu kimo kyonomba kudi Yehova—E kyonka kyonkakimba—I ngikale mu njibo ya Yehova mafuku onso a būmi bwami,+Mandila buya bwa YehovaNe kutala na nsangaji* tempelo* yandi.+
5 Mwanda ukamfyanga mu mwemba wandi mu difuku dya kyamalwa;+Ukamfyanga pafīta pa pema wandi;+Ukantūlanga peulu pa dibwe.+
6 Pano mutwe wami udi peulu pa balwana nami banjokolokele;Nkalambulanga bitapwa ku pema wandi na nsangaji;Nkembilanga Yehova mitendelo.*
7 A Yehova, ngivwane kitatyi kyongabija;+Ntōkelwe mutyima unondolole.+
8 Pa mwanda obe, mutyima wami ubanena’mba:
“Kimbai kumona mpala yami.”
A Yehova, nkakimbanga kumona mpala yobe.+
9 Kokamfya mpala yobe.+
Kokasonsolola mwingidi obe na bulobo bobe.
Abe wi mukwashi wami;+Kokangela nansha kundeka, a Leza wami wa lupandilo.
10 Nansha shi ba tata ne mama abangela,+Yehova mwine ukantambulanga.+
11 A Yehova, mfundije dishinda dyobe,+Nkunkuje mu kashinda ka boloke mwanda wa boba banshikilwe.
12 Kokampāna ku bakinkwa nami,*+Mwanda batumoni ba bubela abantombokela,+Kadi banzakajanga na lūma.
13 Le nadi wa kwikala kwepi shi nkyadipo na lwitabijoAmba nkamonanga buyampe bwa Yehova mu ntanda ya bōmi?*+
14 Kulupila mudi Yehova;+Kankamana kadi komeja mutyima.+
Bine, kulupila mudi Yehova.
Kunshi kwa Dyani
^ Nansha’mba “kutala na lubandi.”
^ Nansha’mba “kipandulwe.”
^ Nansha’mba “komba minjiki.”
^ Nansha’mba “ku muya wa bakinkwa nami.”
^ Bibwanika padi i, “Bine ngidi na lwitabijo amba nkamonanga buyampe bwa Yehova mu ntanda ya bōmi.”
