Ñimbo ya Mitōto 26:1-12
Lwimbo lwa Davida.
26 A Yehova, ntyibile mambo, mwanda nangilanga mu bululame bwami;+Mudi Yehova ye monkulupile ne kutenkena mpika.+
2 A Yehova, mandaule kadi ntūle pa ditompo;Ntōkeje milangwe yami ya munda* ne mutyima wami.+
3 Mwanda buswe bobe bwa ndamatyidile budi nyeke ku meso ami,Kadi nañanga mu bubine bobe.+
4 Nkipwenepo* na bantu ba bongojani,+Kadi nyemanga boba bafya mobekadile.*
5 Nshikilwe kipwano kya na bantu babi,+Kadi mpelanga kupwana* na babi.+
6 Nkoyanga makasa ami mu bumpikwa mambo,Kadi nkajokolokanga ku kisōkelo kyobe, abe Yehova,
7 Ne kwivwanija diwi dya kufwija’ko+Ne kusapula bilongwa byobe byonso bya kutendelwa.
8 A Yehova, nsenswe njibo yoshikete’mo,+Kifuko kikele’mo ntumbo yobe.+
9 Kokantukija ami* pamo na babipya-mambo+Nansha kufundula būmi bwami pamo na bantu ba lūma,*
10 Ba makasa epāna mu mwiendelejo wa bumvu,Ne ba kuboko kwa lundyo kuyule kutyiba milomo.
11 Ino amiwa, nkanangilanga mu bululame bwami.
Nkūle* kadi ntōkelwe mutyima.
12 Kulu kwami kwimene pa nshi midingakane;+Nkatumbijanga Yehova mu kipwilo kikatampe.*+
Kunshi kwa Dyani
^ Nansha’mba “milangwe yami mifyame.” Kishima pa kishima i, “mfyo yami.”
^ Kishima pa kishima i, “Nkishiketepo.”
^ Nansha’mba “Nkīsobangapo na banzazangi.”
^ Kishima pa kishima i, “kushikata.”
^ Nansha’mba “muya wami.”
^ Nansha’mba “na bantu bamwanga mashi.”
^ Kishima pa kishima i, “Nyongolole.”
^ Kishima pa kishima i, “mu bitango.”
