Ñimbo ya Mitōto 22:1-31
Kudi mukulu wa bañomba; pa “Kasha Kakaji ka ku Lubanga.”* Lwimbo lwa Davida.
22 Leza wami, Leza wami, i kika kyowangelela?+
I kika kyoikadile kulampe kumpandija mpika,Kulampe na kudila kwami kwa malwa?+
2 A Leza wami, ngitanga’nka kwita difuku ne difuku, ino abe kulondolola mpika;+Kadi bufuku kondi kekudipo talala.
3 Ino abe wi ujila,+Mujokolokwe na* mitendelo ya Isalela.
4 Batata badi bakulupile modi;+Badi bakulupile, nobe wadi wibakūla.+
5 Bakudidīle, kadi bapandijibwe;Badi bakulupile modi, kadi kebafwijibwepo bumvu.+
6 Ino ami ne munyambo ke ne muntupo,Wa kubengwa na* bantu ne kufutululwa na bantu.+
7 Boba bonso bamona ami banzawila;+Banshinanana ne kupuka mitwe yabo bya kibengo amba:+
8 “Wadi wipēne aye mwine kudi Yehova. Amukūlenga!
Amupandijenga, mwanda umusenswe bininge!”+
9 Abe ye waundupwile munda,+Mwine walengeje ngikale na mutyima-ntenke mu kyadi kya mama.
10 Nepēne mu buledi bobe* tamba kubutulwa;Tamba munda mwa mama, abe wi Leza wami.
11 Kokikala kulampe nami, mwanda makambakano adi pabwipi+Kadi nkidipo na mukwashi mukwabo.+
12 Bañombe bana bavule abanjokoloka;+Bañombe ba bukomo ba Bashane abangela mu bukata.+
13 Abangasamina kyakanwa kyabo bininge,+Pamo bwa ntambo ubuluma usasamuna kikwatwa kyandi bipindibipindi.+
14 Mpungululwanga pamo bwa mema;Mikupa yami ibazonzoka mu nungilo.
Mutyima wami ubaikala pamo bwa bupula;+Ubasunguluka munda mwami.+
15 Bukomo bwami bubashinika pamo bwa kininga;+Ludimi lwami lubalamata ku bibuyu byami;+Kountūkija ku luvumbi lwa lufu.+
16 Mwanda bambwa abaunjokoloka;+Abaumfwena pamo bwa kibumbo kya banonga-bibi,+Badi ku maboko ne ku maulu ami pamo bwa ntambo.+
17 Mbwanya kubala mikupa yami yonso.+
Bantala ne kumambila meso sō.
18 Abeabila bivwalwa byami,Kadi abate bisandi byami bubale.+
19 Ino abe, a Yehova, kokikala kulampe bininge.+
Abe wi bukomo bwami; peja unkwashe.+
20 Mpandije* ku kipete,Pandija būmi bwami bulēme* ku makufi* a bambwa;+
21 Mpandije ku kyakanwa kya ntambo+ ne ku masengo a bañombe ba ntanda;Nondolole kadi umpandije.
22 Nkasapulanga dijina dyobe ku banabetu;+Nkakutendelanga mu bukata mwa kipwilo.+
23 Banwe bakaminwe Yehova, mutendelei!
Banwe bonso lutundu* lwa Yakoba, mutumbijei!+
Imanai na nzuba ku meso andi, banwe bonso lutundu* lwa Isalela.
24 Mwanda kafutulwilepo nansha kukwatwa mukenye masusu a yewa umweshibwa malwa;+Kamufilepo mpala yandi.+
Pawaabije bukwashi kwadi, wamwivwene.+
25 Nkakutendelanga mu kipwilo kikatakata;+Nkafikidijanga mpiko yami ku meso a boba bakwakaminwe.
26 Boba betyepeje bakadya ne kwikuta;+Boba bakimba Yehova bakamutendela.+
Ikala mūmi* nyeke.
27 Mafulo onso a ntanda akavuluka ne kwalamukila kudi Yehova.
Bisaka byonso bya mizo bikevukwila ku meso obe.+
28 Mwanda bulopwe i bwa Yehova;+Aye ubikele pa mizo.
29 Bampeta* bonso ba pa ntanda bakadya ne kwivukwila;Boba bonso batūkilanga ku luvumbi bakafukata ku meso andi;I kutupu nansha umo mobadi ubwanya kulama būmi bwabo.*
30 Lutundu* lwabo lukamwingidila;Lukongo lukāya’ko lukalombolwa myanda ya Yehova.
31 Bakāya ne kwisamba boloke bwandi.
Bakalombola bantu bakabutulwa kyokya kyalongele.
Kunshi kwa Dyani
^ Pakwabo i lwimbo nansha mombelo wa minjiki.
^ Nansha’mba “Ushikete pa lupona mu bukata bwa (pa).”
^ Nansha’mba “Mutonko ku.”
^ Kishima pa kishima i, “Neelele kodi.”
^ Nansha’mba “Pandija muya wami.”
^ Kishima pa kishima i, “wami umo kete,” kifunkila pa muya wandi, nansha būmi.
^ Kishima pa kishima i, “dikasa.”
^ Kishima pa kishima i, “lukunwa.”
^ Kishima pa kishima i, “lukunwa.”
^ Kishima pa kishima i, “Mutyima obe wikale mūmi.”
^ Kishima pa kishima i, “Banune.”
^ Nansha’mba “myuya yabo.”
^ Kishima pa kishima i, “Lukunwa.”
